Txori kantuak entzuteko, belarriak ez ezik, oinak prest

Hilaren 29an ibilaldia egingo dute Arditurriko parketxetik aterata, txorien kantuak ezagutu eta bereizteko. Aurrez izena ematea gomendatu dute.

Erik Gartzia Egaña

Oiartzun

2017/04/26

Txorien kantuak identifikatuko dituzte ibilaldian.

Udaberriaren etorrerarekin lotutako hegaztiren bat baldin bada, hori kukua da. Hala ere, ez da kantan aritzen den txori bakarra, eta bai kukua, baita gainontzeko hegaztiak entzuteko, txangoa antolatu dute. Txorien kantuak ezagutu eta bereiztera gonbita luzatu du Parketxe Sareak. Txori kantuak ezagutzeko ibilaldia datorren larunbatean, hilak 29, egingo dute, Arditurriko parketxetik abiatuta. Mikel Olano izango da gidaria, eta bidean entzundako kantuak identifikatzen lagunduko du. 10:00etan hasiko da txangoa —ez du aparteko zailtasunik izango—, eta bi ordu iraungo ditu. Bisitak bost euroko prezioa izango du, eta prismatikoak eramatea gomendatu dute, txoriak hobeto ikusteko. Izena emateko, 943 49 50 69 edo 688 89 50 68 telefono zenbakietara deitu beharko da, edo Arditurriko parketxera e-posta bidez mezu bat idatzi.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.