Oiartzuarrak aurreratu ziren markagailuan, eta 76 minutu eman zituzten aurretik. Realak aukera asko izan zituen, eta partida berdindu dute.
Anne Mugarzak lesio larria izan zuen 34. minutuan.
Gipuzkoako Lehen Mailako derbia jokatu zuten atzo eguerdian Karla Lekuonan. Puntuen beharra duen Oiartzun eta Reala aurrez aurre izan ziren. Lehen minutuetan, bisitariek izan zuten baloiaren jabetza, eta eurak izan ziren lehen aukerak sortu zituztenak.
Oiartzun, baina, izan zen markagailuan aurreratu zen. Eguzkiñe Peñak ezkerretik erdiratu zuen, eta Marina Agouesek areaz kanpoko jaurtiketa Mariasun Quiñonesen atea zulatzea lortu zuen. Partidaren kontrola hartu zuen, orduan, Oiartzunek eta ia bigarrena lortu zuen Carolek.
34. minutuan Anne Mugarzak peronea hautsi zuen, eta Sara Olaizola atera zen bere partez. Kapitainari gaur goizean egin diote ebakuntza, eta dena ongi atera da.
Bigarren zatia, Realarena
Atsedenaldiaren ondoren, golaren bila irten ziren txuri-urdinak, eta arrisku jokaldi ugari sortu zituzten. Bikain aritu zen Oihana atepean, aukerak zapuztuz. Oiartzunek bere aukera 70. minutuan izan zuen, baina Jone Bilbaok ez zuen asmatu. Ordutik aurrera, bisitariek etxekoen atea setiatu zuten, Leyre Fernandezek 88. minutuan Oihana gainditzea lortu zuen arte.
Berdinketak egoera berean utzi du Oiartzun. Bi partidaren faltan, Albacete puntu bat atzetik dute, eta Tacuense bira. Datorren partida Rayoren etxean jokatuko dute.
Gainontzeko emaitzak
Honakoak izan ziren Oiartzungo gainontzeko taldeen emaitzak:
FUTBOLA
Gizonen Erregional Ohorezko Maila
- Anaitasuna-Oiartzun: 1-2.
Gizonen Lehen Erregionala. Igoera Fasea.
ARETO FUTBOLA
Gizonen Hirugarren Maila
SASKIBALOIA
Gizonen Gipuzkoako Lehen Maila
- Take Orbela Taberna-Oiartzungo Saskilagunak: 40-37.
