Euskal Jaia bigarren aldiz egingo dute larunbatean

Hainbat ekitaldi egongo dira goizean zehar, Doneztebe plazaren inguruan. Eguerdian bazkaria egingo eta arratsaldean jarraituko du festak.

Erik Gartzia

Oiartzun

2017/05/09

Euskal nortasuna indartuko dute Euskal Jaian.

Iaz egin zuten estreinakoz Oiartzungo Euskal Jaia. Antolatzaileentzat arrakastatsua izan zen egun osoko festa giroa, aurten berriro antolatu baitute. 2016koa udaberriaren etorrerarekin izan bazen ere, aurtengoa maiatzean egingo dute. Datorren larunbaterako, hilak 13, egitarau oparoa osatu dute (ikus behean). Goizean zehar dantzariek, abesbatzek, artisauen azokak, pilotariek, eta beste hainbatek jarriko dute giroa, plaza inguruan. Goizeko ordu txikiak arte giro ederra egongo dela baieztatu dute antolatzaileek, eta baserritarrez janzteko deia luzatu. Iazko giroaren parekoa baldin bada, ez da gutxi. Oiartzungo Euskal Jaia: egitaraua

10:00etatik 14:00etara: Bertako produktuen eta artisauen azoka.
10:30ean: Pilota partidak eta Pasaka kontzejupean. (Txost eta Oiarpek antolatuta).
11:15ean: Haurtzaro Dantza Taldea plazan.
11:30ean: Erraldoiak.
11:45ean: Elizalde Dantza Taldea plazan.
12:00etatik 12:30era: Abesbatza, kalez kale.
12:00etatik 12:45era: Muxikoak, Herri Musikaren Txokoak antolatuta.
12:45ean: Ekitaldia.
17:00etan: Plaza dantzak, Ttipik Dantza Gidatuak taldeak gidatuta.
19:30ean: Kalejira, trikitilariekin.
22:00etan: Erromeria Bide Batez taldearekin.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.