Gaur, Antxon, garagardoa eta rock&roll

Martxan da Antxoberfest; gaur, 20:00etan zabalduko dute garagardo azoka.

olatz mitxelena

2017/05/12

Garagardoa laguntzeko ukondoak eta saltxitxak daude, besteak beste.

Atzo hasi zen VI. Antxoberefest. 20:00etan zabaldu zuten Gure Zumardiko karpa, eta Juanjo Bujanda suziria jaurti eta berehala hasi zen jendea gerturatzen aurtengo garagardoen eskaintza ezagutzera. Afaltzera animatu zenik ere izan zen, ukondoen usaiak erakarrita. Gaur bigarrenez zabalduko dute karpa, ordu berean, eta jendetza espero da azokaren bueltan. Azoka girotzeko, musika egitarau zabala dago iragarrita gaurko. Lau taldek joko dute karpako oholtzan eta luze joko du festak. Egunik indartsuena, hala ere, biharkoa izango da. Eguerdian zabalduko dute azoka, eta urtero legez, zumardian eta Biteri plazan, kotxe eta moto klasiko ikusgarrien erakusketa egongo da. Herri bazkaria egongo da bihar, paella jate erraldoia, eta ondoren arratsaldean, Koloreak haur konpartsaren irteera eta jada klasikoa bat bihurtu den trumoikada. Barrutiari bira eman eta Nafarroa etorbidera aterako dira American Crazy Cars elkartekoak, beren motorren orro burrunbatsuekin. Eta azokako azken gaua girotzeko, Elektrotxufla eta DJ Bull. Parranda bermatuta dago. Egitaraua

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.