Alabergak hartuko du auzoetako festen lekukoa

Alabergako jai batzordeak dena prest du aurtengo jaiak ospatzeko. Ostiraletik igandera bitartean ekitaldi andana antolatu dituzte.

Erik Gartzia

Errenteria-Orereta

2017/05/23

Festetako toka txapelketa mitikoa larunbata eguerdian jokatuko dute.

Maiatzeko azken asteburua izango da datorrena, eta auzoko festen gose denak, Alabergara jo dezake. Ostiral arratsaldean hasiko dira, eta igandera arte luzatuko dira. Aurten hainbat berritasun sartu dituzte antolatzaileek. Ostiralean, gaueko ohiko kontzertuen aurretik, freestyle eta rap emanaldia egingo dute. Larunbaterako, berriz, perkutsio tailerra egingo dute, eta Dj 2ttor eta Yogurinha Borovak girotuko dute gaua. Azkenik, iganderako, Zaria koru eskolak kontzertua eskainiko du, eta auzoetako buruhandiekin desfilea egingo dute. Asteburu beroa iragarri dute. Meteorologian asmatzea kiniela bat da, baina ziur esan daiteke Alabergan, behintzat, ez dela giro onik faltako. Hilak 26, ostirala

17:30ean: Pailazoen emanaldia auzoko plazan: Tomaxen abenturak. Ondoren, txikientzako askaria, Pizza Sprinten eskutik.
19:30ean: Txupinazoa eta buruhandien irteera.
20:00etan: Pintxo potea auzoko plazan, Uriñaren eskutik.
22:30ean: Freestyle eta rap emanaldia plazan: Rayk, Parce, Portillo, Arri, Aigor, Broly eta Willy.
23:00etan: Kontzertua plazan: Dosis Gray eta Arkada Social taldeak.

Hilak 27, larunbata

11:00etatik 14:30era: Hegazti harraparien erakustaldia plazan Euskalfauna elkartearen eskutik.
12:00etan: Futbolin txapelketa auzo elkartean.
12:30ean: Txingak, toka eta bote txapelketa auzo elkartean.
12:30etik 14:30era: Puzgarriak plazan.
13:00etan: Patata tortilla txapelketa. Ondoren, tortillen dastaketa eta goizeko txapelketen sari banaketak.
16:30ean: Aparraren festa garajeen plazan.
16:30etik 19:30era: Haurrentzako jolasak eta eskulanak plazan, eta puzgarriak eta zezen mekanikoa.
18:30ean: Txikientzako askaria, Telepizzaren eskutik.
18:30etik 20:00etara: Perkusio ikastaroa, Musta maisuarekin.
21:00etan: Auzo afaria plazan Super Amararen eskutik.
00:00etan: DJ 2ttorrekin musika eta, gauean zehar, Yogurinha Borovaren emanaldia.

Hilak 28, igandea

09:00etan: Txistularien diana.
11:00etan: Meza auzoko hilen omenez.
11:30ean: Haur danborrada. Deiadar txarangak lagunduta, eta hamaiketakoa Lapurdiko Pizzak-en eskutik.
13:00etan: Zaria koru eskolaren kontzertua auzoko plazan.
14:30ean: Paella jatea.
16:30ean: Marrazki lehiaketa.
18:00etan: Tor magoaren ikuskizuna auzoko plazan.
19:00etan: Txokolate-jatea, Geza eta Gazia gozodendaren eskutik.
19:30ean: Herriko buruhandien topaketa: Alaberga, Gaztaño, Lartzabal eta Iztietako buruhandien desfilea garajeen plazatik, trikitilariek girotuta.
20:00etan: Jaiei amaiera emateko traka.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.