Antzerkia, zuzeneko musika eta hainbat gauza egiteko txokoak egongo dira igande goizean, Urmendi haur eskolaren egoitzan.
![urmendi festa](http://oarsoaldea.hitza.eus/site/files/2017/05/urmendi-festa.jpg)
Hainbat txoko egongo dira, aurten ere, Urmendi Festan.
Urmendi haur eskolak bere komunitatearentzako festa prestatu du iganderako. Haur eskolaren egoitzan bertan izango da urteroko ospakizuna.
10:30ean hasiko da Urmendi Festa, guraso eta irakasle talde batek prestatutako antzerki sorpresa batekin. Gero txokoak irekiko dituzte: taloena; fruta eta zukuena; goxo denda; mural margoketa eta photocall-a.
Guraso eta irakasleak arduratuko dira zuzeneko musikarekin festa girotzen. Mokadutxoa jan ondoren, 13:00ak inguruan bukatuko da aurtengo Urmendi Festa.