Oiartzungo XXVIII. Sagardo Eguna larunbatean ospatuko dute. Ekitaldiak arratsaldez bakarrik egingo dituzte, giroa kontzentratze aldera.
Hamabost sagardogileen uzta dastatzeko aukera egongo da.
Maiatzeko azkeneko larunbata izango da datorrena. Eskualdeko ekitaldien agendan data garrantzitsua izango da: Oiartzungo Sagardo Egunaren txanda izango da. Aurtengoa 28. ekitaldia izango da, eta Girizia elkarteak antolatuko du, udalaren laguntzarekin.
Aurreko urteetan egun osoko egitaraua antolatu bazuten arren, aurtengoa arratsaldez bakarrik izango da. Giroa kontzentratuagoa egongo da. Hala ere, gainontzean, aurreko ekitaldien antzeko egitaraua izango du XXVIII. Sagardo Egunak. 18:00etan hasiko da sagardoaren festa. Protagonista izango den zukuak beste hainbat bidelagun izango ditu, Done Eztebe plaza eta inguruak girotzeko: pintxoak, musika, bertso eskolako kideak… Baso bakoitzak sei euro balioko ditu, eta sagardoa bukatu arte iraungo du festak.
Urtero bezala, hainbat sagardogile omenduko dituzte. Aurten Oiartzungo bi sagardogile (Baleio eta Ordo-zelai) eta Lesakako Linddurrenborda izango dira aitortza jasoko dutenak. Horrez gain, aurten ere umeentzako jolasak eta txokolate jatea antolatu dituzte, Euskal Herria plazan, 17:00etatik aurrera.
Honakoak izango dira parte hartuko duten hamabost sagardogileak:
- Baleio (Oiartzun).
- Ordo-zelai (Oiarzun).
- Larrarte (Astigarraga).
- Lizeaga (Astigarraga).
- Oialume-Zahar (Astigarraga).
- Oiarbide (Astigarraga).
- Petritegi (Astigarraga).
- Otsu-Enea (Hernani).
- Larre-Gain (Hernani).
- Otegi (Lasarte-Oria).
- Linddurrenborda (Lesaka).
- Elutxeta (Urnieta).
- Aginaga (Usurbil).
