Meditazio eta mindfulness tailerra egingo dute larunbatean

Elizalde Herri Eskolako guraso elkarteak tailerra antolatu du etzirako

2017/05/25

elizalde herri eskola meditazio tailerra

Aurreko tailerrak arrakasta izan zuen.

Elizalde Herri Eskolako guraso elkarteak tailerra tailerra prestatu du larunbat goizerako. Zehazki, mindfulness eta meditazio tailerrean parte hartzeko aukera izango dute. Haur Hezkuntzako ikasleei zein euren gurasoei zuzenduta egongo da. Eva Sanchezek emango du tailer hori, 10:00etatik 12:00etara. Elizalde ikastetxeko guraso elkarteak jakinarazi duenez, toki mugatuak egongo dira, eta aldez aurretik eman behar da izena. Horretarako, eskolako idazkaritzatik pasatu beharko dute, eta bost euro ordaindu. Jende askok izena emanez gero, beste saio bat egingo dutela jakinarazi du guraso elkarteak. Aurreko tailerrak arrakasta handia izan zuela baieztatu dute. Tailerra ikastetxeko lehenengo solairuan egingo dute, psikomotrizitate gelan. Galtzerdi lodiak eta manta bat eramateko aholkatu dute, eta haurrek heldu baten laguntza izan beharko dute.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.