[Galeria] Sagardo freskoa eta egun beroa: egun biribila

28. aldiz egin dute, Oiartzunen, Sagardo Eguna. Done Eztebe plaza bete zuten ehunka sagardozalek, hamabost zuku dastatzeko asmoz.

Erik Gartzia Egaña

Oiartzun

2017/05/29

Hamabost postu jarri zituzten Done Eztebe plazan.

Larunbatean ospatu zen, 28. aldiz, Oiartzungo Sagardo Eguna. Girizia elkarteak antolatu du aurtengoa. Sargori egiten zuen, sagardo freskoa edateko aitzakia ona. 18:00etan, elizako kanpaiek jo bezain pronto, Oiartzungo bertso eskolako bi kidek txotxa egin zuten, ongien dakiten moduan: bertsotan. Hortik aurrera, hamabost sagardo mota dastatzeko aukera egon zen. Arratsaldeak aurrera egin ahala, plaza eta inguruak jendez betetzen joan ziren. Giroa bikaina izan zen, eta Done Eztebe plazaren erdian zeuden bafleetatik ateratzen zen musikak are gehiago egotea ahalbidetu zuen. Festa, baina, ez zen sagardoa bukatzearekin bat amaitu, tabernetan jarraitu baitzuen goizeko ordu txikiak arte. Ziur datorren urtean ere festa giro bikaina egongo dela.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.