Emakumeen jasaten dituzten botere harremanei buruz ariko dira
Dinamika parte hartzaile baten bitartez, botere harreman horien mapa egingo dute kiroldegian, Haziak elkarteak antolatuta.
Haziak elkarteak beste ekitaldi bat antolatu du biharko, hilak 31. Kasu horretan, Oiartzunen emakumeek jasaten duten botere harremanei buruzko saioa izango da. Antolatzaileek jakinarazi dutenez, dinamika parte hartzaile baten bidez identifikatuko dituzte botere harreman horiek, eta mapeoa egingo dute.
Behin identifikatuta, botere harreman horiek iraultzeko eman beharreko urratsak aztertuko dituzte. Neurri horiek indibidualak eta kolektiboak izango dira.
Haziak egitasmoko kideek gidatuko dute saioa, baina denen parte hartzea “beharrezkoa” izango dela adierazi dute. Gainera, bihar arratsaldeko jardunaldian adin guztietako pertsonek parte hartzea eskatu dute, baliagarriagoa izango delakoan. Saioa Elorsoro kiroldegiko bilera gelan izango da, 17:00etatik aurrera.
Haziak egitasmoari buruzko informazio gehiago jasotzeko, sakatu esteka. 
