Ergoiengo festak ate joka dira

Ekainaren 9tik 11ra ospatuko dituzte Sanantoniyuak

2017/05/30

Gazteentzako betizuak larunbat arratsaldean egingo dituzte.

Ekainaren 7tik 9ra, Batxilergoa bukatu duten ikasleek unibertsitatera sartzeko azterketa egingo dute. Aste hauetan pilatutako tentsioak askatu nahi badituzte, Ergoienen izango dute aukera. Izan ere, sanantoniyuak ospatuko dituzte bertan, ekainaren 9tik 11ra. Ikasle izan ala ez, auzoko jai batzordeak denentzako egitaraua prestatu du egun horietarako. Baserri giroko festak izaten jarraituko dute, baina beste giro batzuekin nahastuta. Tartean izango da Intxixu Trailen laugarren ekitaldia. Hona hemen egitarau osoa: Hilak 9, ostirala

18:30ean: Lehenengo suziria botako dute Auzokalte inguruan, Lartaungo txistulari eta buruhandiek lagunduta.
20:00etan: Kartelada, auzoan zehar.
22:00etan: Truk txapelketa Auzokalte elkartean. Sari “mundialak” izango dira jokoan. Izen-ematea 21:45ean itxiko dute.

Hilak 10, larunbata

10:00etan: Goiz eresia Lartaungo txistulariekin.
10:0etan: Ergoiengo III. ganadu eta artisau azoka Uztapide/Urtxale plazan. Ardi moztaileek erakustaldia egingo dute, eta goiz osoan zehar jatekoa eta edatekoa egongo da.
12:00etan: Dantzari txikiak Uztapide/Urtxale plazan.
13:30ean: Auzo bazkaria Auzokalten, bakoitzak etxetik eramandakoarekin.
16:00etan: Gaztetxoentzako betizuak, Auzokalte elkartearen inguruan. Ondoren, Dantza familian, Soinuenearen eskutik. Bitartean, haurrentzako jolasak egongo dira.
19:00etan: Danborrada.
21:00etan: Bertso-afaria, Amets Arzallus eta Iker Zubeldiarekin.
23:30ean: Zezen-suzkoa.
02:00etan: Dj-a.

Hilak 11, igandea

09:00etan: IV. Intxixu Trail lasterketa (luzea 09:00etan; motza, 09:30ean; haurrena, 10:00etan).
09:30ean: Goiz eresia Herri Musika Eskolako ikasleen eskutik.
11:00etan: Gaztetxoen pilota partidak.
Eguerdian: Amulleta danbor kofradia eta Lagunak txaranga.
14:00etan: Auzo bazkaria Auzokalte elkartean (Txartelak Tolaren salgai).
17:30ean: Auzokalteko behorraren eta Fagollagako Imanolen zaldiaren arteko desafioa. Ondoren, Pasaka partida.
20:00etan: Azken suziria, festak bukatzeko.
Egun osoan: puzgarriak dohainik.

Hilak 18, igandea

09:00etan: Aitor Txikiren omenezko X. Plater tiraketa, Arkalen. Parte hartzaileek federatuta egon beharko dute.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.