Bretainiatik bueltan balantze "oso positiboa" egin du Albaolak

Astebete eman dute Mor Bihan-en, itsas kulturaren gaineko jaialdian.

olatz mitxelena

2017/06/01

Albaolako kideak Mor Bihanen izan dira beren proiektua ezagutarazten.

Etxera bueltan da Albaola, Pasaian. Mor Bihanen (Bretainia) izan dira elkarteko kideak lehengo astean, itsas kulturaren gainean han bi urtean behin antolatzen duten jaialdian, eta balantzea “oso positiboa” dela nabarmendu dute. Jakinarazi dutenez, jende asko gerturatu da Albaolako arotzek zuzenean egin dituzten ontzigintza erakustaldietara. Behotuk bale txalupa ikustera ere jendetza joan omen da eta San Juan baleontziaren erakusketak ere arreta handia piztu duela nabarmendu dute. Interesaren adierazgarri, eramandako informazio material guztia agortu egin dutela. Bi hitzaldi ere eskaini dituzte Albaolako arduradunek, beren proiektua azaltzeko, eta horrez gain, elkarteko musikariek euskal itsas kantuen emanaldi bat eman zutela jakinarazi dute, jaialdiaren egitarauaren barruan, Vanneseko portuan. Horrez gian, elkarteko boluntarioei esker, Ameriketatik traineruak egunero nabigatu du Mor Bihaneko golkoko uretan, Italia, Errusia, Kroazia, Irlanda, Holanda eta Europako beste hainbat herrialdetatik joan diren ontzi tradizionalekin batera. Euskal espedizioan parte hartu duten 34 boluntarioei eskerrak eman dizkie Albaolak, “euskal itsas kulturaren ordezkari bikainak” izan direlako. Era berean, Mor Bihaneko antolakuntzari eskerrak eman dizkiote “euskal itsas kulturari aurten ere emandako lekuagatik”.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Bretainiatik bueltan balantze "oso positiboa" egin du Albaolak

Gipuzkoa

Gaur hasi dituzte Azpeitiko Corrugados lantegia eraisteko lanak

Alokairu kontratua amaituta etxetik egotzi nahi dituzten hamahiru familiaren egoeraz ohartarazi du Kaleratzeak Stop plataformak

Tabuak kutxatik aterata, giro ederrean ospatu dute Inurri Eguna Usurbilen

Nazioarteko artistak eta euskal musikariak izango dira Boga Boga jaialdian

Joseba Zalakain izango da Gipuzkoako Zainketen eta Gizarte Politiken Ebaluaziorako Agentziako zuzendaria

EH Bilduren Gipuzkoako Mahai Politikoak Maddalen Iriarte proposatu du ahaldun nagusirako hautagai izateko

Ertzaintzak zaintza kameren grabaketak eskatu dizkie Azpeitiko saltokiei, hiltzailea aurkitzeko lagungarri izanen direlakoan

Ertzaintzak Azpeitiko hainbat etxebizitza miatu ditu, baina ustez taxilaria hil zuen susmagarria aurkitu ez

Gipuzkoako Foru Aldundiak politika publikoek pertsonen bizi kalitatean duten eragina neurtzeko agentzia bat sortu du