Korrikalariak intxixuak baino azkarrago ibili dira

Laugarren aldiz egin dute proba, giro sargorian

2017/06/12

245 parte hartzailek bukatu zuten lasterketa [Argazkiak: Deli Arena].

Atzo egin zuten, laugarren aldiz, Intxixu Trail mendi lasterketa egin zuten. Ergoienen hasi, eta auzo berean bukatu zen, Oiartzungo bailarako kaskoetan ibili ondoren. Aurten ere, bi ibilbide egin dituzte: luzea (30 kilometrokoa) eta motza (15,5ekoa). 148 korrikalarik bukatu zuten lehenengoa, eta 67k bigarrena. Inork nahi ez zuen lasterkari bat ere izan zen bertan: sargoria. Ibilbide motzean iaz luzean gailendu zenak errepikatu zuen: Ander Iñarra Olaziregi lezoarra izan zen helmugan azkarrena. Ordu eta laurden pasatxo (1:15:24) behar izan zuen. Bere atzetik, minutu eta hemeretzi segundora, lehen gizon oiartzuarra sartu zen: Gorka Herce Arbelaitz. Emakumeen mailan, berriz, Sarah Ugarte Miranda donostiarra izan zen onena. Bere denbora 1:31:12koa izan zen. Lehen emakume oiartzuarra Agurtzane Zubizarreta Gerendiain izan zen (1:46:28). Agirrezabala eta Amantegi, luzean 30 kilometroko ibilbidea egin zutenen artean, Iban Agirrezabala Iturralde berastegiarra nagusitu zen (3:09:46). Gizonetan lehen oiartzuarra Aritz Urdanpilleta Otegi izan zen, kronometroa 3:41:24ean geldituta. Amaia Amantegi getxoztarra izan zen emakumeen artean onena (3:49:47). Oiartzuar bakarrak hartu zuen parte: Elurtza Etxebeste Lasak. Bere marka 5:05:58koa izan zen. Sailkapen guztiak ikusteko, sakatu estekak: luzea eta motza. Lsaterketaren Facebookeko profilean ikus daitezke argazki gehiago. Euren webgunean ere, kolaboratzaile aritu direnen argazkiak jaso ahala, ikusteko aukera egongo da.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.