Ekarri eta Mimos tabernak garaile Laurak Bat Eguneko pintxo lehiaketan

Datorren igandean, hilak 18, Laurak Bat elkarteak 2017ko pintxo lehiaketaren sari banaketa egingo du.

2017/06/15

Ekainaren 9tik 10era bitarte egin zuten pintxo lehiaketa.

Datorren igandean, hilak 18, Laurak Bat elkarteak 2017ko Antxoko pintxo lehiaketaren sari banaketa egingo du. Joan den hilaren 9 eta 10ean, Laurak Bat Eguna egin zuten Pasaian. Pintxo lehiaketan herriko Ekarri, Mimos, Iparra, Romeral eta Kamio tabernek hartu zuten parte. Sari banaketa, igandean, 12:00etatik aurrera, Pasai Antxoko Azokan izango da. Igandean, Antxoko Ekarri tabernak jasoko du epaimahai profesionalaren saria; Mimos tabernak eramango du herritarren saria, herritarren bozka bidez aukeratuta. Bi sari nagusiez gain, elkarteko lau bazkide omenduko dituzte. Trintxerpeko Uria tabako denda, Pasaia Antxoko Ignacio Ormazabal botika, Trintxerpeko Rumax ile apaindegia eta Antxoko Clinica Veterinaria San Bernardok omenezko sari bana jasoko dute. Aurten ere, Laurak Bat elkarteak Pasaiako Udalarekin batera, euskara sustatzeagatik herriko komertzioei egiten dieten saria jasoko du Antxoko Lirain ile apaindegiak. Sare sozialetan publizitatea euskaraz egiteko apustua egiten duten komertzioei banatzen zaie saria. Elkarteak nabarmendu nahi izan duen bezala, ile apaindegia ireki zutenetik, “sare sozialetan euskaraz aritzen dira barra-barra era fresko, natural eta erakargarrian”, eta horrela, “euskarari arnas ematen diote merkataritzan”.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.