Lezoko EH Bildu: "Alkateak aspalditik zuen kioskoa eraisteko gogoa"

Kioskoa botatzearen ardura udal arkitektoarena ez dela esan du koalizioak. Bertan zeuden gazteak "engainatu" dituztela esan du.

Urko Etxebeste Petrirena

Lezo

2017/06/26

Gaur 06:00eraitsi dute Goiko plazako kioskoa.

Goiko plazako kioskoa, eraitsi berritan.

Goiko plazako kioskoaren eraistearen harira, EH Bilduk bere iritzia plazaratu du. Hura botatzea alkatearen erabakia izan dela irmo adierazi du, “bere erabakia izan da, berea da erantzukizuna”. Eta eraistearen ardura udal arkitektoari egotzi izana salatu du koalizioak: “Gezurretan aritzea ez, eta arkitektoa egin dute kioskoa botatzearen arduradun. Alkatearen kapritxoa izan da, 3.470 euroko kapritxoa. Har dezala behingoz bere erabakien ardura”. EH Bilduren esanetan, arkitektoak egindako txostenaren aurretik, “edo beste teknikoen txostenik gabe”, jakinarazpena bidali zien alkateak kioskoa erabiltzen ari ziren gazteei hura bota egingo zutela esanez, bertan zituzten gauzak ateratzeko, “beraz, alkateak aspalditik zuen kioskoa eraisteko gogoa”. Alta, udal arkitektoak jakinarazpen horren ondoren egindako txostenean jarri du begia koalizioak: “Txostenak ez dio kioskoa bota egin behar zenik. Kioskoaren egoera ez zela ona soilik dio. Txosten horretan garbi azaltzen da botatzeko nahia alkatearena zela, obsesioa zen kioskoa suntsitzea”. EH Bilduk zehaztu duenez, bertan zeuden gazteek “beti” azaldu dute alkatearekin biltzeko nahia, “elkarlanean aritzeko prestutasuna. Horren aurrean alkate eta udal gobernuaren aldetik, ordea, gezurrak eta azpijokoa besterik ez dituzte jaso. Engainatu egin nahi izan dituzte”.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Lezoko EH Bildu: "Alkateak aspalditik zuen kioskoa eraisteko gogoa"

Gipuzkoa

Biriketako transplante baten zain dagoen Donostiako bizilagun bat, etxetik egotzia izateko zorian

Tolosa eta Beasain lotzen dituen Renfeko tren zerbitzua etengo dute abuztuaren 29tik irailaren 1era

Salmonellosi agerraldi batek 29 pertsonari kalte egin die Eibarren

Pasaiako eta Lezoko alkateek «erantzunak eta neurriak» eskatu dituzte portuko sutearen harira

Gizon bat atxilotu dute Irunen, prostituzio etxe batean emakume bati sexu erasoa egitea egotzita

KASek salatu du Donostiako Udaltzaingoa «jazartzen» eta «zigorra ezartzen» ari zaiela ogitartekoak banatzen dituzten herritarrei

Hondarribiko alarde baztertzailearen aldekoek utzi egin dute konponbiderako elkarrizketa prozesua

GHKk espediente bat irekiko du Zubietako erraustegiko sutearen nondik norakoak argitzeko

Donostiako Harrera Sareak salatu du lau kide identifikatu dituztela etxegabeei janaria emateagatik