[Galeria] San Fermin Egunean, bada saltsa

Herri kirolen erakustaldia izango da gaur arratsaldean.

olatz mitxelena

2017/07/07

Beldurgarri, Blas de Lezoren buruhandia, Eskalantegi kalean.

Zuri-gorri esnatu da gaur Antxo. Eguzkia lagun irten dira pasaitarrak San Fermin Eguna ospatzera. Txikienak erraldoi eta buruhandiekin eman dute goiza, eta helduak, batez ere, bi plazetan elkartu dira: Axularren jotak entzutera, eta Gure Zumardian txakolin dastazeara. Bien bitartean, Saltseroak kalez kale irten dira. Txakolin dastatzean, aurten, Bittorren alde topa egin dute. Denen gogoan izan da lan istripuan zendutako kamioilaria. Urtero izaten zen Bittor San Fermin Egunean txakolina eskaintzen, eta gaur, sumatu da haren hutsunea. Herri kirolak Arratsaldean, herri kirolen erakustaldia izango da zumardian. Ernesto Ezpeleta ‘Bihurri’, AlexTxikon, Felix Zubizarreta eta Hodei Ezpeleta ariko dira aizkoran; Joseba Ostolaza eta Udane Ostolaza harria jasotzen eta Oskar Basatxu eta Laura Basatxu Ipar Euskla Herriko jolasen erakustaldia egingo dute. Herri kirolak bukatuta, Tarantella orkestrarekin dantzaldia, eta jarraina TOPAgunean playback lehiaketa. Bi danborrada kaleratuko dira gaur, 18:00etan Haurren danborrada eta 00:ooetan helduena. Egitaraua

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.