Karaezera bidaia egingo dute abuztuan
Abuztuaren 19tik 24 ra joango dira Oiartzunekin senidetuta dagoen herrira
Badira 23 urte Oiartzun eta Karaez (Bretainia) senidetu zirenetik. Oiartzuarrek urtero bisitatzen dute herri hura, eta aurten berriro joateko asmoa dute. Abuztuaren 19tik 24ra izango da Karaez Oiartzun Senidetza Taldeak antolatutako bidai hori.
Hilaren 20an irekiko dute izena emateko epea. Antolatzaileek jakinarazi dutenez, inoiz joan ez direnek eta oiartzuarrek izango dute lehentasuna. Izena eman aurretik, 180 euro sartu beharko dira Laboral Kutxako 126.1.03143.1 kontu korrontean, eta han jasotako ziurtagiria udaletxera eraman beharko da.
Izena emateko epea abuztuaren 7an bukatuko da. Autobusa beteko ez balitz, antolatzaileek erabakiko lukete bidaia egin ala ez.
Prezioaren barruan bidaia bera, afaria, gosaria eta lotarako tokia sartzen dira. Autobusa abuztuaren 18an (larunbata) aterako da, 08:00etan, ikastolako aparkalekutik, eta hilabete horren 24ko ilunabarrean bueltatuko da. Hemezortzi urtetik behera dutenek heldu batekin joan beharko dute. 
