Don Boscoko futbol zelaia berrituko dute
Berritze lanak aldundiak finantzatuko ditu
Berritze lanek 370.049,07 euroko aurrekontua dute, eta aldundiak finantzatuko ditu %100ean. Pasaiako Udalak eman du lanen berri, eta aurreratu du, belar artifiziala kendu eta horren lekuan Futboleko Espainiako Futbol Federazioak 2. B mailako zelaietarako ezarritako baldintzak betetzen dituen belarra jarriko dutela. Lanak urtea bukatu aurretik egingo dituztela adierazi dute baita ere.
Belarra ez ezik, instalazioko kirol elementu guztiak berrituko dituzte: ateak, aulkiak, aldageletatik irteteko tunela, eta aldageletako sabai aizunak, besteak beste. Ureztatze instalazioaren zati bat aldatuko dutela baita ere, eta bi kanoi garai jarriko dituzte. Azkenik, zelaian marka iraunkorrak jarriko dituztela iragarri dute, hainbat koloretako zuntzezko zerrenden bitartez, futbol 7ko (zeharkako bi zelai) eta futbol 11ko (luzetarako zelai bat) zelaiak ezberdintzeko.
“Hobekuntza horiek guztiak udalerriko futbol talde guztien onerako izango dira”, adierazi du udalak, “jolas-eremuaren ezaugarriak nabarmen hobetzeaz gain, zelaiaren hormigoizko zoladuran sortzen diren egiturazko arazoak” konponduko dituztelako.
Don Boscoko kirol instalazioak Pasaia KE elkarteak kudeatzen ditu Molinaoko futbol zelaia eraitsi zutenez geroztik.
