[Bideoa eta galeria] Ikurrina lortzea garesti

Gizonetan Aitor Garciak irabazi zuen eta Unai Oiarzabalek eroriko onenaren saria lortu zuen. Emakumeek ez zuten saririk lortu.

Ikerne Zarate Gartziarena

Errenteria-Orereta

2017/07/25

Emakumeen saririk ez zuten eman. Parte hartu zuten biek ez zuten lortu ikurrina eskuratzea.

Emakumeen saririk ez zuten eraman. Parte hartu zuten biek ez zuten lortu ikurrina eskuratzea.

Kukaña txapelketa antolatu zuen Euskalguneak atzo bosgarrenez. Eguraldiak ez zuen gehiegi lagundu, baina hala ere, lepo izan zen Oiartzun ibaiaren inguruan ikurrinaren bila abiatutako ausarten balentriak jarraitzeko. Inoiz baino luzeago jo zuen atzoko saioak. Hamabi parte hartzaileek zazpi saioa egin zituzten enborraren gainean ikurrina hartu ahal izateko. Aurretik, laugarren saiakeran Eñaut Gracia zinegotziak, lortu zuen eta bera izan zen zazpigarren itzulira arte hurbilen izan zena. Ez zen gainera, Gracia, parte hartu zuen zinegotzi bekarra izan, Ion Collar ere animatu zen, eta gainontzeko parte hartzaileek bezala une politak utzi zituen berak ere. Zazpigarrenean berriz, hiru lagunek lortu zuten ikurrina hartzea eta Aitor Garcia izan zen azkenean, denborarik onena egin zuena. Emakumeen atalean saridunik ez zen izan atzokoan. Hamabi parte hartzaileen artean bi emakume baino ez ziren izan, eta bietatik inork ez zuen lortu ikurrina eskuratzea. Erorketa onenaren saria ere banatu zuen HITZA-k atzo. Lehenengo parte hartzaileak lortu zuen saria lehen itzulian izan zuen erorketari esker. Unai Oiarzabalek HITZAren material sorta eta urtebeterako harpidetza lortu du.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.