Urtekaria eta Mugarri salgai daude jada

Artikutzako trenari buruz idatzi dute Suberri Matelos eta Anton Mendizabalek

2017/07/27

Suberri Matelo eta Anton Mendizabalek Artikutzako trenari buruz idatzi dute.

Xanistebanak hasi aurretik, irakurketarako bi klasiko argitaratu dituzte: Oiartzun urtekaria eta Mugarri bildumako zenbaki berria. Jadanik salgai jarri dituzte, herriko hainbat establezimendutan. Urtekarian, urtero bezala, herriko historia eta istorioak jaso ditu, eta Oiartzungo eragileen lana ere jaso dute bertan. Lau euroko prezioa du. Mugarri bildumari dagokionez, 24. zenbakia da orain argitaratu dutena. Anton Mendizabalek eta Suberri Matelok Artikutzako trenari buruz idatzi dute. Burdinbidearen historiari idazteaz gain, hura ezagutzeko hainbat ibilbide proposamen jaso dituzte bertan. Hamabi euroko prezioa izango du.

Urtekariko lan taldea, Josune Cousillas zinegotziarekin.

Bi aldizkarien aurkezpen ofiziala datorren asteartean izango da, xanistebanen bezperako kultur ekitaldian. Egun horri itxoin nahi ez dionak, aldez aurretik erosteko aukera izango du, honako tokietan: Berezi janari-denda (Altzibar); Pikoketa estankoa (Arragua); Garmendi txokolategia, Garmendia okindegia, Urrats paper-denda eta Zapirain estankoa (Elizalde); Ibarreko gasolindegia, Martin harategia eta Pottolo janari-denda (Iturriotz); eta, Intxixu taberna eta Mamuteko paper-denda (Ugaldetxo).

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.