Sanjuandarrak, azken txanpan

Gaur, Holi festa izango da, Santiago jaien barruan lehen aldiz .Bihar Liher eta John Berkhout taldeek joko dute Bonantzan .San Inazio eguna izango da festetako azkena.

olatz mitxelena

Pasaia

2017/07/28

Sanjuandarrak, sardina jaterako prestaketa lanetan

Bosgarren eguna dute sanjuandarrek Santiago Jaietan murgilduta, eta oraindik ere beste lau egun dituzte aurretik. Santio Eguna, Santa Ana eta San Pantaleon ospatu dituzte jada, baina oraindik festetako beste ospakizun garrantzitsua dute aurretik; San Inazio Eguna, eta hura iritsi bitartean, haren atarikoak. Sardina usaina oraindik airean, gaur, Donibanen, berritasun batekin egingo du topo festara biltzen denak. Holi festa antolatu du gaurko jai batzordeak lehenbizikoz, eta Bollywoodeko jantziekin mozorrotuta joateko deialdia luzatu dute. Ea zer harrera duen. Eta berritasunekin batera tradizioak eta ohiturak, eta horretarako txanelen uretaratzea. 18:30ean hasiko da, plazan, eta han bertan ospatuko dute ondoren Holi festa txanelak berriro lehorreratuta. Horrez gain, Mamarro magoaren ikuskizuna (20:00etan) izango da plazan, eta gauean Son Pa Bailar talde kubatarraren kontzertua Bonantzan, mojitoak lagunduta. Bihar, txikiak protagonista Bihar, egunean zehar, barrutiko haurrena izango da festa. Pilota partidak jokatuko dituzte frontoian, eta han bertan karabina txapelketa antolatu dute pilota partidak bukatzerako. Eguerdian berriz, haur bazkaria dute Bixi-Bixi elkartean, eta arratsaldean, askaria plazan. Egunak aurrera egin ahala, baina, helduagoek hartuko dute jaien lekukoa. Poker txapelketa izango da plazan arratsaldean, eta gauean, berriz, Liher eta John Berkhout taldeen kontzertua Bonantzan, doan. Azken txanpa, ikusgarria Aurreko asteburuko estropadetan bezala, hala bukatuko dira festak Donibanen, azken txanpa ikusgarrian. 48 orduko epean 25 ekitaldi izango dira, eta ez da marka makala, are gehiago kontuan izanda jaien aurrekontua eta iraupena. San Inazio bezpera, gainera, igandearekin egokitu da aurten, eta herritarrez gain bisitari asko bilduko dira festara. Zer hautatu izango dute guztiek, bertakoek zein kanpokoek. Ekitaldien arten batzuk nabarmentze arren, aipa daitezke, besteak beste, eguerdiko haurrentzako apar festa, arratsaldeko Hernani eta Donibane arteko herri kirol desafioa, eta gaueko zezen suzkoa. Zorionekoa, bestalde, dantzatzeko gogoz hurbiltzen dena: DJak izango dira plazan eta Bonantzan (DJ Bull) eta Ibizar Gaua Gaztelu txosnan. Eta eguna argitu arte dantzan irauten duenarentzat opari berezi bat ere bada: 06:00etan baratxuri zopa banatuko dute Bonantzako txosnetan. Azken egunerako, baina, komeni indarrak gordetzea. Sokamuturra, bateleren desfilea eta herri estropada, herri bazkaria, Eskola Dantza Taldearen emanaldia… eta nola ez, San Inazio Eguneko klasikoak: arrantzaleen danborrada (aurten pieza berriak interpretatuko dituzte) eta badia erdiko su artifizialak.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Sanjuandarrak, azken txanpan

Gipuzkoa

Nazioarteko artistak eta euskal musikariak izango dira Boga Boga jaialdian

Joseba Zalakain izango da Gipuzkoako Zainketen eta Gizarte Politiken Ebaluaziorako Agentziako zuzendaria

EH Bilduren Gipuzkoako Mahai Politikoak Maddalen Iriarte proposatu du ahaldun nagusirako hautagai izateko

Ertzaintzak zaintza kameren grabaketak eskatu dizkie Azpeitiko saltokiei, hiltzailea aurkitzeko lagungarri izanen direlakoan

Ertzaintzak Azpeitiko hainbat etxebizitza miatu ditu, baina ustez taxilaria hil zuen susmagarria aurkitu ez

Gipuzkoako Foru Aldundiak politika publikoek pertsonen bizi kalitatean duten eragina neurtzeko agentzia bat sortu du

Etxe baten usain goxoa

Elkartasuna «kriminalizatzea» leporatu dio Donostiako Harrera Sareak Insaustiri

Gipuzkoako Artzain Eguna irailaren 6an egingo dute, Legazpin

Naomi Watts aktoreak ere jasoko du Zinemaldiaren Donostia saria aurten