Pilota federazioak teknifikazio proiektua jarri du martxan

Proiektuan parte hartu nahi dutenek, irailaren 1era arte dute izena emateko aukera (12:00etan itxiko dute epea) beraien klubaren bidez.

Ikerne Zarate Gartziarena

Errenteria-Orereta,Oiartzun

2017/08/29

Gipuzkoako haur eta kadete kategoriako pilotari mutilei dago zuzenduta deialdia. Aurrerago neskentzako egingo dute deialdia.

Haur eta kadete kategoriako pilotariei entrenamendu tekniko eta prestakuntza fisiko pertsonalizatua eskainiko die aurten ere Gipuzkoako Euskal Pilota Federazioak, teknifikazio proiektuaren bidez. Aurtengo deialdia, iazkoa bezala, eskuz aritzen diren Gipuzkoako haur eta kadete kategorietako mutil pilotariei dago zuzenduta, eta aurrerago egingo dute neskentzako deialdia. Proiektuan parte hartu nahi dutenek, irailaren 1era arte dute izena emateko aukera (12:00etan itxiko dute epea) beraien klubaren bidez. Donostian egingo dituzten entrenamenduez gain, eskualdeetan ere eskainiko ditu teknifikazio entrenamenduak federazioak haurren kategorian aritzen direnentzat. Kadeteen entrenamenduak, berriz, Atano IIIean izango dira (Donostia). Irailean zehar hautaketa entrenamenduak egingo dituzte izena emandako pilotariek, eta bertan hautatuko dituzte Gipuzkoako zein eskualdetarako teknifikaziorako pilotariak. Denek urrian hasiko dituzte entrenamenduak, eta ekainera bitarte izango dituzte saioak. Besteak beste, Iraitz Oaletxea Gipuzkoako Euskal Pilota Federazioko teknikaria, Andoni Ugalde eta Ander Imaz pilotari profesional oiartzuarrak eta Beñat Rezusta pilotari profesionala izango dira prestatzaileak.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.