Alkar Txiki osatuko duten dantzarien zain

Alkar Txiki haurren dantza taldean parte hartu nahi duenak hurrengo astean izango du izena emateko aukera.

Ainhoa Mariezkurrena

2017/08/30

Iazko Sagardo Egunean txikienek ireki zuten jaia

Ikasturtea hastear, dantzarako prest da Alkar Txiki euskal dantza taldea. Urritik ekainera bitartean euskal dantzan aritzeko aukera izango da aurten ere Pasai Antxon. Izena emateko egunak eta xehetasunak zabaldu dituzte. 6 urtetik 16 urte bitarteko haurrek euskal dantzan aritzeko aukera dute aurten ere. Pasai Antxon eskainiko da, baina inguruko herrietatik hurbiltzera ere animatzen dituzte. “Euskal dantza eta musika ezagutu eta ikasteaz gain, urte osoa dugu primeran pasatzeko”, diote antolatzaileek. Dantza egunak urriaren lehenengo astean hasiko dituzte. Interesa duenak hilaren 4an edo 6an hurbildu beharko du azokara, Alkartasuna euskal dantza taldearen topalekura. 19:00etatik 20:00etara izango dira bertan. Izen abizenak, adina, telefonoa, posta eketronikoa eta adin txikikoak izateagatik argazkiak ateratzeko baimena eman beharko du bakoitzak. Bertan, gainera, lehenengo kuota ordaindu beharko dute (35 eurokoa). Aurten, iaz bezala, bi kuota pasako dituzte; lehena izena ematean eta bestea, prezio berdinekoa, amaieran. Ideia bat egiteko ordutegiak ere zabalduko dituzte. Iazko berdinak direla aurreratu dute:

Astelehenetan 18:30-19:30, 2008 eta 2009 urteetan jaiotakoak.
Astelehenetan 19:30-20:30, 2002-2005 urteetan jaiotakoak.
Asteazkenetan 19:30-20:30, 2006 eta 2007 urteetan jaiotakoak.
Ostiraletan 17:00-18:00, 2010 eta 2011 urteetan jaiotakoak.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.