Euskara ikasten hasi, eta hizkuntzara hurbiltzeko helburua dute etorri berrientzako AISA eskolek. Matrikulatzeko epea ostiraletik dago zabalik.
Beste urte bateko AISA taldeko ikasleak, ikastaroan.
, aurten ere, eskualdeko lau herrietara etorri berri direnei euskara ikasteko aukera eman die, lehen urratsa emateko bai behintzat, hizkuntzara hurbiltzearena. AISA euskara eskolak antolatu ditu lau herrietako AEK euskaltegietan, nahiz Errenteriako eta Pasaiako udal euskaltegietan. 60 orduko eskolak dira, urriaren 2tik otsailaren 2ra, asteko lau orduko erritmoan.
AISAn matrikulatzeko epea irailaren 1ean (ostiralean) zabalduko dute, 22ra arte. Bost euroko prezioa du matrikulatzeak, eta kostu horri aurre egiteko laguntzak badaudela jakinarazi du Oarsoaldeko Euskara Batzordeak. Ikasturtea bukatzean, horren aprobetxamendu egokia egin duten ikasleei hori egin izanaren agiria emango diete. Gainera, behin AISA eskolak bukatzean, euskaltegien ohiko eskaintza baliatzeko aukera dute hala nahi dutenek.
Izena ematerako orduan (edo behin taldeak osatzen direnean), ikasleek aukera dezakete asteroko dinamika nolakoa izatea nahi duten, hau da, asteroko lau ordu horiek nola bana daitezkeen. Eskolak emateko lekua ere molda daitekeela nabarmendu du Oarsoaldeko Euskara Batzordeak.
Matrikulazioa egiteko nork bere herriko euskara zerbitzura joan behar du, lehen aipatutako epean. Honakoak dira euskara zerbitzuen helbide eta telefono zenbakiak:
- Errenteriako Euskara Zerbitzua. Herriko Plaza, zenbakirik gabe. 943 44 96 13.
- Lezoko Euskara Zerbitzua. Donibane kalea, 2. 943 51 34 76.
- Oiartzungo Euskara Zerbitzua. Aialde, 3 (Fermiñene Etxea). 943 49 38 42.
- Pasaiako Euskara Zerbitzua. Euskadi etorbidea, 62 (Trintxerpe). 943 00 43 30.
