Oarsoaldeko AEK: hamaika egoeren aurrean hamaika aukera

Oarsoaldeko AEKren matrikulazio kanpaina Oarsoaldeko AEKk atzo aurkeztu zuen Lezon ikasturte honek dakarrena. Euskara ikasteko edo hobetzeko nahia edukitzea besterik ez dute eskatzen.

Ainhoa Mariezkurrena

Errenteria-Orereta,Lezo,Oiartzun,Pasaia

2017/09/08

Oarsoaldeko AEKren matrikulazio kanpaina

Oarsoaldeko AEKk atzo aurkeztu zuen Lezon ikasturte honek dakarrena. Euskara ikasteko edo hobetzeko nahia edukitzea besterik ez dute eskatzen. Ordutegiei, metodologiari, prezioari eta hartzaile motari erreparatuta, hamaika aukera zabaldu dituzte aurtengo ikasturterako. “Etxeko eta inguruko harremanak euskaraz izatea, lan egoera hobetzea eta bilatzen ari zaren euskara maila eskuratzea lortuko dugu”, diote bultzatzaileek. Erabileran oinarritutako metodologia aintzat hartuta, euskara ikasteko modu efektiboa eta praktikoa topatuko du euskaltegira hurbilduko denak, irakasteko modu afektiboaz baliatuta. Aurten 25 irakasle arituko dira eskualdeko herrietan zehar eta iaz ia 600 ikasle hurbildu zirela kontatu dute. Hamaika aukera guztiongana iristeko Euskaltegiez gain, edozein lekuetara hurbiltzeko prest azaldu dira. Ordutegi aldetik ere malguak izango direla iragarri dute; 07:00etatik 22:00ak arte. Egunero aritu ezin direnentzat txandaka aritzeko aukera dago, autoikaskuntza sistema aplikatuz. Maila eta behar guztietarako eskaintza daukate eta ikastaro bereziak ere egingo dituzte kolektiboentzat; gurasoak, langabetuak, merkatariak, gazteak… Aurten, Batxilergoko edo Lanbide Heziketako ikasleei begirako ikastaro bereziak azpimarratu nahi izan dituzte, EGA edo C1 mailako azterketa prestatzeko horiek. Astean saio bat edo bikoak izango dira. Beste maila askotara zuzendutako ikastaroak eskainiko dituzte, beti bezala (A1, A2, B1, B2, C, C2). Baita azterketa ofizialak prestatzekoak ere (B2, C1, C2, HABE, EGA, IVAP…). Ikastaroak astean 4 edo 3 egunez emango dira, 2 edo 1,5 orduz. Egunean 4 orduko ikastaro trinkoak ere egin ahal izango dira. Azkeneko hauek doan izango dituzte langabeek. Gurasoek eta erretiratuek matrikulazio-prezio berezia dute ere. Oarsoaldean dirulaguntza-sistema “eredugarriak” daudela gogorarazi dute. Bezeroen eskaerak entzuteko prest daude eta haien beharretara moldatuko direla jakinarazi dute. Informazio gehiagorako: Lezoko Oroitzene AEK: lezo@aek.eus Oiartzungo Intxisu AEK: oiartzun@aek.eus Oreretako Xenpelar AEK: orereta@aek.eus Pasi Antxoko Txirrita AEK: pasaia@aek.eus

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Oarsoaldeko AEK: hamaika egoeren aurrean hamaika aukera

Gipuzkoa

Gipuzkoako Foru Aldundiak %10 handituko du aurrekontua, 1.433 milioi euroraino

‘Desobedienteak 18/98’ antzezlanarekin hasiko dira Azpeitiko antzerki topaketak, bihar

Salatu dute azaroaren 11n bi adingabe dituen familia bat etxegabetu nahi dutela Donostian

Larunbatetik aurrera, Renferen erabiltzaileek Hernani eta Irun arteko ibilbidea trenez egin ahal izango dute beti

Errenteriako Udalak lursail bat laga dio Jaurlaritzari, alokairurako 45 etxebizitza babestu eraikitzeko

Gipuzkoako autoeskolak kexu dira 6.000 pertsona baino gehiago daudela azterketa praktikoa egiteko zain

Donostiako Herrera auzoko bizilagunek salatu dute «bazterturik» daudela, eta elkarretaratze bat antolatu dute etzirako

Txomin Letamendiren sendiak justiziaren aitortza nahi du zikloa ixteko

Gipuzkoako Moeve gasolindegietako langileek bertan behera utzi dute greba

ELAk greba egunak antolatu ditu Gipuzkoako zahar etxeetan azarorako eta abendurako

Shamonda birusaren kasu bat atzeman dute Gipuzkoan

65 urteko motor gidari bat hil da Donostian