Uhinetara itzuli da Oiartzun Irratia

Denboraldi berria hasi du irratiak; 'Arguyuan' eta 'Kirolez blai' saioek ez dute hutsik egingo

2017/09/13

Lopez, Odriozola eta Etxeberria Oiartzungo Irratiko esatariak.

Jarraitzaile sutsuak jakinaren gainean daude, baina agian bada ez dakienik ere: Oiartzun Irratia itzuli da. Astelehenean hasi zuten denboraldi berria, irrati kateak sortutako bi saio jada klasikorekin: Arguyuan eta Kirolez blai. Astelehenetik ostiralera emitituko dute Arguyuan saioa. Albisteen berri emango dute, elkarrizketak egingo dituzte, baita lehiaketak ere, kolaboratzaileen txokoak hutsik egingo… Alazne Etxeberria eta Irati Odriozolak gidatuko dute magazinea, 10:30etik 13:30era. Irratia sortu zenetik irauten du saioak. Kirolez Blai saioak, berriz, bederatzigarren denboraldia hasiko du datorren astelehenean, hilak 18. Etxeberriarekin batera, Joxe Migel Lopez ariko da gidari lanetan. Hilean behin, gainera, Enekoitz Markos Oiartzun Kirol Elkarteko jokalari izan zenaren eta egun kirol zinegotziaren laguntza izango dute. Asteburuko kirol emaitzen kronikak, elkarrizketak eta beste hainbat eduki izango ditu saioak. Arguyuan saioaren barruan emango dute, astelehenero, 11:15etik aurrera. 13:15ean eta 20:30ean errepikatuko dute.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.