[Galeria] Arrantzaleena eta Tartekoena da gaur festa

Goizean eguraldiak ez du lagundu, eta hainbat ekitaldi bertan behera utzi behar izan dituzte jaietako egun nagusian.

2017/09/14

Arrantzaleen argazkia i14 egunean.

Goizean eguraldiak ez du lagundu, eta hainbat ekitaldi bertan behera utzi behar izan dituzte jaietako egun nagusian. Herri kirolen erakustaldia adibidez ez dute egin, eta urriaren 29an (igandea) egingo dute. Erraldoi eta buruhandiak ere ez dira goizean atera, ez zen giro ere beraientzat. Gazteenak ez ditu, ordea, kikildu euriak eta giro txarrak eta mela-mela egin arte ibili dira Goiko plazan zinta lasterketa nor baino nor. Euriak ere ezin izan du Arrantzale eta Tartekoen festa gogoa zapuztu ere. Gogotik ospatzen ari dira i14a. Ordu bietarako eguzkia hasi da irteten laino artetik eta kuadrillak arduratu dira jai giroa herriko bazter guztietara eramateaz. Ordu bietan bota behar zuten txupinazoa Arrantzale eta Tartekoek eta familia argazkia egin Gurutze Santuaren plazan. tartekoak azaldu dira, baina Arrantzaleak falta. Azkenean, Tartekoek bakarrik bota dute txupina eta egin dute argazkia. Ordubete beranduago, txupinik gabe, egin dute argazkia Arrantzaleek. Euritik babesteko ongi prestaturik zegoenik ere azaldu da, aterki eta guztia. Gaur kanpotik eta barrutik bustiko dira. SANTAKRUTZAK 2017 [Egitaraua]

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.