Sareak Sortuz izeneko prozesua martxan da gaur goizetik Pasaian. Bazterkeria arriskuan edo egoeran dauden pertsonekin gizarte eta osasun zailtasunak landu eta irtenbideak emateko lankidetza-hitzarmen bat sinatu du udalak Sarea Fundazioarekin. Aukera gehiago bermatu daitezen.
Agustin Tranche Sarea Fundazioko kidea, Izaskun Gomez Pasaiako alkatea eta Sergio Ekiza Gizarte Ekintzako arduraduna.
izeneko prozesua martxan da gaur goizetik Pasaian. Bazterkeria arriskuan edo egoeran dauden pertsonekin gizarte eta osasun zailtasunak landu eta irtenbideak emateko lankidetza-hitzarmen bat sinatu du udalak Sarea Fundazioarekin. Aukera gehiago bermatu daitezen.
Gizarte eta hezkuntzako arlo psikosozialetan esku hartzeko eskumena eta betebeharra dauka Pasaiako Udalak, tokiko erakunde guztiek bezala. “Akordioak normalizatu eta erantzunak emateko aukera izateak pozten gaitu”, esan du Agurtin Tranche Sarea Fundazioko ordezkariak. Orain arte harremana izan dutela gaineratu du Sergio Ekiza Gizarte Ekintzako arduradunak, baina orain lana batera egiten hasiko direla. Lehen aldia da honelako dekretu bat sinatzen dela Oarsoaldean.
Aukerak azpimarratu
Familia edo talde gaitasunak jaso eta garatzen dituzte gizarte zerbitzuek, laguntza behar duten pertsonen autonomiari eutsi eta gizarteratzen laguntzeko. Orain arte, Gizarte Ekintza Saila arduratu da horretaz; pertsonen egoerari buruzko diagnostikoak egin eta parte-hartze akordioak sinatzen dituzte. Gizarteratze ibilbidearen ardura gizarte zerbitzuek hartzen dute. Beharko balitz, bigarren mailako gizarteratze programetara bideratuko dute gizarte langileek, gizarteratzeko eguneko zentroetara, alegia. Oarsoaldean Sarea fundazioak kudeatzen duen AUKERA zentrora bideratzen dira.
Baina akordio honekin, gertuago, praktikoago eta azkarrago landuko da arazoa: “Pausu bat eman dugu aurrera”, dio Izaskun Gomen alkateak. Etengabeko lankidetzan arituko dira gaurtik aurrera. Gizarte eta hezkuntza alorreko laguntza programen beharrak arreta handiagoa izango du orain. Eguneko arreta jasotzeaz gain, gauetan ere zerbitzua martxan egongo dela jakinarazi dute. Gainera, arreta berezia jarriko zaio pertsona horiek lan mundura sartzeko izango dituzten aukerekin. Fundazioaren helburuetako bat da hori: enplegua sortu, orientazioa eta prestakuntza eskaini eta lan-munduan sartzeko jarduerak egitea.
