AEK-ko ikasleek udalaren bekak jasoko dituzte, aurten ere

Baldintza batzuk betez gero, matrikularen %70 ordainduko du Udalak

2017/09/25

Intxixu-AEK-ko Saioa Ballesteros, Ioritz Aizpurua euskara zinegotzia eta Aitziber Arnaiz euskara teknikaria.

AEK matrikulazio kanpainan sartuta dago bete-betean. Datorren ostiralera arte, hilak 29, izena emateko epea irekita egongo da. Oiartzungo Udalak eta Intxixu AEK euskaltegiak berak euskara ikastera animatu dituzte oiartzuarrak, elkarrekin egindako agerraldian. AEK-Intxixuk ohiko eskaintza (EGA, urratsak, hizkuntza profilak…) eta Oarsoaldeko Euskara Sailarekin zein udalarekin elkarlanean egindakoak (AISA; ostalari eta merkatarientzakoa…) emango du. Udalak %50 ordainduko die ikasleei, ikasturte hasieran. Baldintza batzuk betez gero, ikasturte bukaeran %70era irits daiteke ordainketa. Informazio gehiago jasotzeko aukera egongo da euskaltegian bertan edo Euskara Sailan. Biak Fermiñene etxean daude. Telefonoz ere jar daiteke harremanetan (AEK, 943 49 38 42; Euskara Saila, 943 49 39 57), baita e-posta bitartez ere (Intxixu-AEK eta Euskara Saila).

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.