Babes sozialerako euskal sistema propioa nahi dute jubilatu eta pentsiodunek

Udalei eta Aldundiari etxez etxeko laguntzen kopurua eta kalitatea "handitzeko" eta egunero dituzten "beharrak asetzeko" deialdia egin diete gaurkoan.

Imanol Saiz Gomez de Segura

Errenteria-Orereta

2017/10/02

Hamarka lagun elkartu dira gaur 11:00etan Herriko plazan.

Gaur, hilabeteroko lehen astelehenetan bezalaxe, Errenteria-Oreretako jubilatuak eta pentsiodunak kalera atera dira. Prekarietatearen aurka eta pentsio duin batzuen alde herriko plazan Duintasuna Elkarteko hamarka lagun elkartu eta hiriko kaleak zeharkatu dituzte. Lehenik, PSOEren eta PPren gobernuek “ezarritako” eta EAJk “babestutako” erreformak direla-eta, pentsio eta zainketak “zalantza handiko etorkizuna” dutela nabarmendu nahi izan dute. Pentsioak eta zainketak “pribatizatzeko ahaleginak” egiten ari direla salatu dute, “biztanle gehienak pobretuz”. “Mundu anker hau hobetu” nahi dute, partaidetza sozialaren bidez, “bizitza osotasunez bizi ahal izateko”. Horregatik guztiagatik, udalei eta Aldundiari etxez etxeko laguntzen kopurua eta kalitatea “handitzeko” eta egunero dituzten “beharrak asetzeko” deialdia egin diete gaurkoan. Gainera, Babes Sozialerako Euskal sistema propioa sortzeko eskera luzatu diete Eusko Jaurlaritzari.

Euria egin arren, kalera atera dira pentsiodunak eta jubilatuak.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.