Pasaia-k Ahal Du: "Nerea Gonzalezen kontrako akusazioak onartezinak dira"

Izaskun Gomez alkateak egindako adierazpenak, zuzentzea exijitu du alderdiak

Hegoi Belategi

2017/10/04

Alkateari dimititzeko gomendatu dio Pasaia-k ahal du alderdiak

Aurreko asteko osoko bilkuran, liskarra eragin zuen Araneder pisten auziak. Don Bosco futbol zelaian obrak egiten diren bitartean, Pasaia Kirol Elkartearen kadete mailako A eta B taldeak Trintxerpeko Araneder pistetan entrenatzeko erabakia hartu zuen Udalak. Erabakiak hainbat herritarren haserrea piztu zuen eta neurriak hartuko zituztela iragarri zuten. Izaskun Gomez alkateak, kexu hauen erantzulea Nerea Gonzalez Pasaia-k Ahal Du-ren kidea zela esan zuen, bere dimisioa eskatuz. Pasaia-k Ahal Du alderdiak adierazpen horiek gaitzetsi ditu, oinarririk ez baitute haien aburuz. Irailaren 22an Nerea Gonzalezek bitartekaritza lana egin zuela esan dute, “Nereak giroa baretu zuen eta horri esker gazteek entrenamendua burutu ahal izan zuten”. Oso larria iruditzen zaie, Pasaiako Udalak Trintxerpeko hainbat biztanleri solidaritate eza egoztea eta udala bera jo dute erantzule nagusi gisa, “oso tristea iruditzen zaigu, PSEk polemika hau interes politikoekin erabiltzea, saihesteko moduko egoera baitzen”. Udalaren kudeaketa desegokia salatu dute, izan ere, ez zituzten behar adina baliabide erabili biztanleriari aldaketen berri emateko. Aldebakartasuna ere egotzi diete alkateari eta kirol zinegotziari, erabakia beste alderdiei ezer esan gabe hartu zutelako. Azken kirol batzordea urtarrilean egin zela gogorarazi dute. Egoerak hartutako norabidea eta kudeaketa txarrak direla eta, erantzukizun politikoak exijitu dituzte, “Izaskun Gomez alkateak eta Lore Suarez alkateordeak hartutako erabaki desegokiak onartu behar dituzte, alkateak pasaitarron bizikidetza zaindu behar du”. Alkatearen gaitasun ez dela eta, dimititzeko eskatu diote. Pasaia-k Ahal Du alderdiak elkartasun osoa adierazi die, auzi honen ondorioz kaltetuak izan diren gazte guztiei.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Pasaia-k Ahal Du: "Nerea Gonzalezen kontrako akusazioak onartezinak dira"

Gipuzkoa

Elkartasuna «kriminalizatzea» leporatu dio Donostiako Harrera Sareak Insaustiri

Gipuzkoako Artzain Eguna irailaren 6an egingo dute, Legazpin

Naomi Watts aktoreak ere jasoko du Zinemaldiaren Donostia saria aurten

Errenteriak eta Hernanik elkarlana eta «jarduteko modu berriak» eskatu dituzte etxegabeen arazoari aurre egiteko

Ehunka lagunek protesta egin dute Donostian, erosketa orgak eskuan

Biriketako transplante baten zain dagoen Donostiako bizilagun bat, etxetik egotzia izateko zorian

Tolosa eta Beasain lotzen dituen Renfeko tren zerbitzua etengo dute abuztuaren 29tik irailaren 1era

Salmonellosi agerraldi batek 29 pertsonari kalte egin die Eibarren

Pasaiako eta Lezoko alkateek «erantzunak eta neurriak» eskatu dituzte portuko sutearen harira

Gizon bat atxilotu dute Irunen, prostituzio etxe batean emakume bati sexu erasoa egitea egotzita

KASek salatu du Donostiako Udaltzaingoa «jazartzen» eta «zigorra ezartzen» ari zaiela ogitartekoak banatzen dituzten herritarrei

Hondarribiko alarde baztertzailearen aldekoek utzi egin dute konponbiderako elkarrizketa prozesua