Aldundiaren asmoa da elkarteek harreman errazagoa izatea herrietako elkarteekin. Oarsoaldean hori azaltzeko saioa egingo dute gaur.
Emuneko Ainhoa Mendibil, eta Imanol Lasa diputatua, iniziatibaren aurkezpenean.
Emuneko Ainhoa Mendibil, eta Imanol Lasa diputatua, iniziatibaren aurkezpenean.
Gipuzkoako Foru Aldundiak herrietako elkarte eta eragileekin harremana erraztu nahi du, desburokratizazioan sakondu nahi du. Horretarako, prozesua abian jarri du, eskualdeka. Prozesuaren helburua da lehenik elkarteek aldundiarekin harremana egiteko duten iritzia jaso eta beharren zerrenda egin, ondoren horiek bideratzeko ekintza plana gautzatzeko. Gaur (asteartea, hilak 10) Oarsoaldeko elkarteekin bilduko da aldundia, 18:30ean, Errenteria-Oreretako Xenpelar Etxean. Bigarren bilkura bat ere egingo dute. Abenduan bukatuko dituzte saioak.
Aldez aurretik eman behar dute izena prozesuan elkarteek, aldundiak propio prest duen
helbide elektroniko batera mezua bidaliz. Emun Aholkularitza enpresaren laguntza du aldundiak prozesuan.
Imanol Lasa Gobernantzarako eta Gizartearekiko Komunikazio diputatuak azaldu duenez, Gipuzkoak gizarte zibil “aktibo eta dinamikoa” du, “gure indargune nagusietako bat da, kohesionatu egiten gaituelako lurralde gisa”. Gipuzkoan, 6.700 herri entitate daude erregistratuta, “elkarte horiek Gipuzkoaren bihotza dira”. Hala, elkarte horien eta aldundiaren arteko harremana azkartzea eta erraztea bilatuko dute prozesua amaitzean. Gipuzkoako elkarteek, batez ere, diru laguntzen arloan izaten dute hartuemana aldundiarekin, “baina aldundiak egin eta eskainztzen duenaren inguruko ezjakintasun handia dago, beraz, harreman gertuagoa sendotzeko iniziatibak egiten jarraitu behar dugu.
Aldundiak abian dituen 114 diru laguntza lerroetatik, %70 modu elketronikoak izapidetu daitezke, hortaz, zentzu horretan neurriak hartzeko prest da foru erakundea, besteak beste, sinadura elektronikoa ezarriz.