Udalak herritarrak bozkatzera animatu ditu
Etzi (azaroak 1) bukatzen da Partaidetzazko Aurrekontuetara aurkeztutako proposamenen alde bozkatzeko epea.
Proposamenak askotarikoak dira, eta tartean bada bat txakurrak Luzuriaga eraikinaren inguruan aske ibiltzeko gune bat egokitzea proposatzen duena.
- Pasaiako Udalaren webgunearen bidez
- Etxeetara banatu dituzten esku-orrien bitartez. Bete eta Herritarren Arreta Zerbitzuko edota liburutegietako postontzietan bota.
Hilaren 9an hasi zen prozesuaren laugarren eta azken fasea. Bozketa fasea osatzeko, barruti guztietan proposamenen inguruko informazioa azaltzeko saio irekiak egin dituzte eta udalak adierazi dutenez “saioetara bertaratutako herritarrek hainbat ekarpen luzatu dituzte, proposamenen zehaztasun eta xehetasun eske alde batetik, eta prozesuaren metodologia eta antolaketari ere ekarpenak eginez, bestetik”. Aurkezpen saio hauetan, guztira, 35 pertsona inguruk parte hartu dute.
