Bernardo Atxagak 'Lau gartzelak' estreinatuko du Pagoan

Musika eta literatura nahasten dituen zikloko saio berria izango da; Inun bakarlaria ere arituko da

2017/11/02

Bernardo Atxaga.

Pagoa kafe antzokian euskarazko literatura eta musika nahasten dituzten ikuskizunak antolatzen ari dira azkenaldian. Ikasturte honetako bigarrena bihar gauean izango da. Ia aurkezpenik behar ez duen Bernardo Atxaga idazleak (Asteasu, 1951) ikuskizun berria aurkeztuko du Pagoan, Lau gartzelak. Bizitzan zehar gertatu zaizkion hainbat pasadizoren berri emango du Atxagak, bere estiloarekin, espetxe batera egindako bisita edo sehaska kanta batena kasu, besteak beste. Musika eramango duena, berriz, Mikel Inunziaga bakarlaria izango da. Inun izen artistikoarekin bigarren diskoa atera zuen iaz, Da nola. Atxagarekin hainbat ikuskizun eman izan ditu. Saioa 22:00etan hasiko da. Sarrerek, aurretik, zortzi euro balioko dute, eta hamar leihatilan bertan. Aurrez eros daiteke honako toki hauetan:

Bertan erosteko: Amazkar taberna, Elorsoro kiroldegia eta Pagoa (Oiartzun), Arkaitza (Errenteria-Orereta) eta Donosti Rock.

Online: Kutxabank, Ticketea, Colectivia, Oferplan, Ticketmaster eta Mauka.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.