Gurseko kontzentrazio eremura bisita antolatu dute

Hilaren 26an egingo dute bisita (igandea) eta Josu Txueka historialariak hitzaldi bat eskainiko du ikus-entzunezko batez lagunduta.

Ikerne Zarate Gartziarena

Errenteria-Orereta

2017/11/13

Gurseko kontzentrazio eremuan euskaldun ugari izan zituzten.

Gurseko (Okzitania) kontzentrazio eremura bisita antolatu du Pikoketa Oarsoaldeko Elkarte Errepublikazaleak udalaren laguntzarekin. Hilaren 26an egingo dute bisita (igandea) eta Josu Txueka historialariak hitzaldi bat eskainiko du ikus-entzunezko batez lagunduta. Sei urtean 60.000 lagun izan zituen 1939 eta 1945 artean, tartean, 2.745 euskal herritar izan ziren bertan. Gursera joateko autobusa doakoa da eta 25 euroko menua eskainiko dute nahi dutenentzat. Bisitan parte hartu nahi dutenek izena eman behar dute hilaren 17ra arte (barne) Errenteriako Udal Artxibora deituta 943 4496 10 edo mezua bidalita; edo Pikoketa elkartearen 943 33 96 84 telefono zenbakira deituta edota mezua bidalita. Errenteriako Udala eta Arantzadi Zientzia Elkartea 1936ko gerrari buruzko ikerketa lana egiten ari dira Errenteriako gertaerak ezagutu eta egia, justizia eta erreparazioa eskaini ahal izateko biktima guztiei. Helburu horrekin zabaldu zuen pasa den hilabetean Oroimenaren Bulegoa Xenpelar etxean. Astearte eta ostegunero ditu zabalik ateak gerra bizi zutenen edota haien hurbilekoen testigantzak jasotzeko. Halaber, hitzaldi, film emanaldi, erakusketa eta ekitaldi ezberdinak antolatu ditu.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Gurseko kontzentrazio eremura bisita antolatu dute

Gipuzkoa

Donostiako Bagera euskaltzaleen elkartea omenduko dute piratek

Gipuzkoako Soziometroaren arabera, EH Bilduk irabaziko lituzke foru hauteskundeak, baina EAJk eta PSE-EEk gehiengo osoa lortuko lukete

BDZk salatu du Gipuzkoako enpresa batek eraikuntzako 3,68 tona material esportatu dituela Israelera

Erromatarrak bueltan dira

Gipuzkoako egoitzetan bizi diren lau lagunetik hiruk uste dute bizi kalitate ona dutela

Aiako txaleta eraisteko agindua berretsi du Auzitegi Gorenak

Eusko Jaurlaritzako Segurtasun Sailak salatu du futbol partida bateko epaile bati jazarri diotela ertzaina izateagatik

Zahar etxeetako gatazkari irtenbidea emateko eskatu dio ELAk Gipuzkoako Foru Aldundiari

Berastegi, Berrobi eta Elduain Tolosarekin lotzeko autobus zerbitzua indartuko du Gipuzkoako Foru Aldundiak