Ondartxo biziberritzeko hitzarmena sinatu dute udalak eta portuak
Lanak aurten hasi eta datorren urteko maiatzean izango den Itsas Festibaleren aurretik amaitu nahi dituzte.
San Pedron, Ondartxoko eremua leheneratzeko lankidetza hitzarmena sinatu dute Pasaiako Portuak eta udalak. Lehengo ostiralean izenpetu zuten hitzarmena, administrazio kontseilua bukatuta.
2.850 metro koadroko azalera du berrurbanizatuko duten eremuak, Albaola Kultur Faktoriaren inguruan, eta lanen lizitazioak 552.387,26 euroko aurrekontua izango du.
Obra Gipuzkoako Foru Aldundiaren finantziazioarekin exekutatuko da. Aurten haiko dira lanak eta 2018ko maiatza erdialdean egingo den itsasontzi tradizionalen Itsas Festibala ospatu aurretik amaituta izatea aurreikusi dute.
Azaroaren 8ko ezohiko batzorde berean, Portu Agintaritzak 2017-2021eko Inbertsio Plana onartu zuen. Planean lonjaren estalkia eta San Pedro Plaza urbanizatzeko 5 milioi euroko partida bat txertatu dute, Gipuzkoako Foru Aldundiaren finantziazioa duena.
