Udalak dio lonja urbanizatzeko lanak 2018 urtean hasiko direla

Portuko Administrazio Kontseiluak datorren urteko inbertsio plana onartu du gaur

olatz mitxelena

2017/11/08

Lanak etenda daude aspalditik, eta herritarrak etsita.

Portuko Administrazio Kontseiluak 2018ko inbertsio plana onartu du gaur eta aipatu planean San Pedroko lonjako lanen exekuzioaz portua arduratuko dela jaso da, Pasaiako Udaleko hirigintza zinegotzi Nahikari Oterminek prentsa ohar bidez jakinarazi duenez. Lanak portuak exekutatuko dituen arren, Gipuzkoako Foru Aldundiak finantzatuko ditu obrak. Hurrengo urratsen berri ere eman du Oterminek: udalak urbanizazio proiektuari oniritzia eman behar dio lehenik, eta ondoren obrak esleitu ahal izateko hitzarmena sinatu behako dute Udalak, Portuak eta aldundiak. “Portuak idatzitako urbanizazio proiektuari oniritzia emateko txostena lantzen ari gara udalean”, azaldu du hirigintza zinegotziak, eta nabarmendu du “udalaren eta portuaren arteko elkarlanari esker, proiektuak hirigintza sailetik egindako proposamenak eta herritarren ekarpenak bildu dituela”. Aurrekontua handitu Lonjako estalkia urbanizatzeko lanek 5 milioi euroko aurrekontua izango dute, Oterminen arabera, aurreikusitakoa baino dezente gehiago, “udalaren proposamenak aintzat hartu eta horrek urbanizazio proiektua hobetu duelako”. Lonjaren estalduran terraza handi bat atonduko dute, itsasora begira. Terrazak berdeguneak, jolas parkea, pasealekua eta eserlekuak izango ditu. Terrazaz gain, San Pedroko biribilgune alboko eremu guztia ere urbanizatuko dutela nabarmendu du Oterminek. “Badakigu herritarrak etsita daudela eta bat egin dut haiekin”, adierazi du Oterminek. “Gustatuko litzaigukeena baino mantsoago doaz gauzak, baina lanean ari gara eta lanean jarraituko dugu”, gaineratu du. Zentzu horretan Herrerako lanak martxan direla ohartarazi du hirigintza zinegotziak eta datorren urtean lonjako urbanizazio lanak hasita “amestutako biziberritzea poliki-poliki errealitate bilakatzen” joango dela adierazi du. Oterminen arabera, Plan Berezia urtea amaitu aurretik onartuko dute eta horrek gainerako eremuetan esku hartzeko egitasmoak martxan jartzeko aukera emango diela baietsi du. “Konpromisoa badago eta erakunde guztiak elkarlanean ari gara lanean emandako hitza betetzeko eta hain potoloa den proiektu hau guztion artean aurrera eramateko, Pasaiak behar duelako eta pasaitarrek merezi dutelako”.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Udalak dio lonja urbanizatzeko lanak 2018 urtean hasiko direla

Gipuzkoa

Donostiako Bagera euskaltzaleen elkartea omenduko dute piratek

Gipuzkoako Soziometroaren arabera, EH Bilduk irabaziko lituzke foru hauteskundeak, baina EAJk eta PSE-EEk gehiengo osoa lortuko lukete

BDZk salatu du Gipuzkoako enpresa batek eraikuntzako 3,68 tona material esportatu dituela Israelera

Erromatarrak bueltan dira

Gipuzkoako egoitzetan bizi diren lau lagunetik hiruk uste dute bizi kalitate ona dutela

Aiako txaleta eraisteko agindua berretsi du Auzitegi Gorenak

Eusko Jaurlaritzako Segurtasun Sailak salatu du futbol partida bateko epaile bati jazarri diotela ertzaina izateagatik

Zahar etxeetako gatazkari irtenbidea emateko eskatu dio ELAk Gipuzkoako Foru Aldundiari

Berastegi, Berrobi eta Elduain Tolosarekin lotzeko autobus zerbitzua indartuko du Gipuzkoako Foru Aldundiak