[Bideoa] Bi bala, eta askoz gehiago

Euskararen Nazioarteko Eguna ospatzeko hamaika ekitaldi izango dira asteburuan Pasaian.

olatz mitxelena

2017/12/01

Dantza taldeek landu duten koreografiaren aurkezpena; igandean eguerdian dantzatuko dute Antxon.

Euskararen Egunaren ospakizunak iritsi dira Pasaiara. Goizean zehar ikastetxeetan igarriko da festa giroa, baina pixkanaka eskolatik kalera jauzi egingo du jaiak. Donibanen, esaterako, gaur Bi Bala taldearen kontzertua izango da, 22:00etatik aurrera, Juanba Berasategi auditorioan. Arazo modernoak disko argitaratu berria aurkeztuko dute Donibanen. Sarrerarik oraindik erosi ez duenak garaiz dago. Ondoko tokitan eros daitezke, 4 euroan gaztenek, eta 8 euroan ez hain gazteek: Donibaneko Itziar tabernan, Lezoko Tiñelun, Antxoko Mimos tabernan, San Pedroko Begi Haundin, Oreretako Arkaintzan eta Oiartzungo Potten. Bihar, bertso eta kantu bazkariak Festa, edonola ere, igandera arte luzatuko da, hilaren 3an ospatzen delako berez Euskararen Nazioarteko Eguna. 12:00etan ekitaldia izango da Antxon, Pasaia Osorik Bizitzeko kanpaina aurkeztu eta herriko dantza taldeek landutako koreografia elkarrekin dantzatzeko. Eguraldiak baimentzen badu zumardian izango da ekitaldia, eta hala ez balitz, Ibaiondon. Igandea baino lehen, hala ere, izango da non galdu. Biharko, egun osoko egitaraua antolatu dute Trintxerpen Korkoiburu taldekoek. Haur eta helduentzako dantza ikastaroa, toka txapelketa, txikientzako talo tailerra,…horiek guztiak goiz eta eguerdi partean Gernika plazan, eta ondoren bertso bazkaria eta erromeria, Zirizan. Gaztelumendi anaiak ariko dira bertsotan, eta erromeria girotzen, berriz, Laja IIna eta lagunak. Bazkarirako txartelak Trintxer tabernan eros daitezke. Donibanen, baita ere, mahairen bueltan ospatuko dute bihar Euskararen Eguna, kantu bazkarian, Bixi-Bixi elkartean. Txartelak Pari Berrin, Bare-Baren eta Itziarren eros daitezke. Kantu jira ere irtengo da eguerdian, Meipitik plazara. Mintzodromoa Horrez gain, Donibanen, Mintzodromoa antolatu dute lehenbizikoz iganderako. Taldeka elkartuko dira, plazan, 12:00etatik 14:00etara. Gaiak errazteko herriko pertsona erreferenteen laguntza izango dute. Ordu berean, Donibaneko kofradian Pasaiako euskararen gaineko Ahotsak-en bideoak ikusteko aukera izango da.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

[Bideoa] Bi bala, eta askoz gehiago

Gipuzkoa

Alokairu kontratua amaituta etxetik egotzi nahi dituzten hamahiru familiaren egoeraz ohartarazi du Kaleratzeak Stop plataformak

Tabuak kutxatik aterata, giro ederrean ospatu dute Inurri Eguna Usurbilen

Nazioarteko artistak eta euskal musikariak izango dira Boga Boga jaialdian

Joseba Zalakain izango da Gipuzkoako Zainketen eta Gizarte Politiken Ebaluaziorako Agentziako zuzendaria

EH Bilduren Gipuzkoako Mahai Politikoak Maddalen Iriarte proposatu du ahaldun nagusirako hautagai izateko

Ertzaintzak zaintza kameren grabaketak eskatu dizkie Azpeitiko saltokiei, hiltzailea aurkitzeko lagungarri izanen direlakoan

Ertzaintzak Azpeitiko hainbat etxebizitza miatu ditu, baina ustez taxilaria hil zuen susmagarria aurkitu ez

Gipuzkoako Foru Aldundiak politika publikoek pertsonen bizi kalitatean duten eragina neurtzeko agentzia bat sortu du

Etxe baten usain goxoa

Elkartasuna «kriminalizatzea» leporatu dio Donostiako Harrera Sareak Insaustiri

Gipuzkoako Artzain Eguna irailaren 6an egingo dute, Legazpin

Naomi Watts aktoreak ere jasoko du Zinemaldiaren Donostia saria aurten