Oiartzungo kirol taldeen asteburuko partidak (2017-12-01)

Oiartzungo bi futbol talde garrantzitsuenek goiko sailkatuen trena har dezakete asteburu honetan, irabaziz gero

2017/12/01

Oiartzungo jokalariek dena emango dute Urolaren kontra.

Oiartzungo bi futbol talde nagusiei jardunaldi interesgarria egokitu zaie asteburu honetan. Mutilak izango dira lehenak jokatzen. Urolaren zelaia bisitatuko dute, eta goiko aldeko trena hartzeko aukera polita izan daiteke. Izan ere, lehenengo bi sailkatuak —Bergara eta Ordiziak— bata bestearen kontra jokatuko dute. Berdin egingo dute Tolosa eta Hernanik (laugarren eta bosgarren sailkatuak). Beraz, irabaziz gero, salto egiteko aukera izango dute. Neskek, berriz, igandean jokatuko dute, etxean. Hirugarren sailkatuaren —Eibarren— kontra jokatuko dute. Hiru puntura dituzte, eta irabaziz gero, harrapatzeaz gain, konfiantza dosi handia jasoko lukete, bide onetik jarraitzeko. Partida ezohiko ordutegian (15:30ean) jokatuko da. Gainontzeko kirolei dagokienez, areto futbolean Oarsoaldeko derbia izango da. Miren Tabernak Ostiko Sindikatoren bisita jasoko dute. Oreretarrak sailkapenaren goiko aldean dira.

FUTBOLA

Emakumeen Bigarren Maila

Oiartzun-Eibar: Etzi, 15:30ean, Karla Lekuonan.

Gizonen Erregional Ohorezko Maila

Urola-Oiartzun: Bihar, 16:00etan, Zumarragako Argixao auzoko futbol zelaian.

Emakumeen Euskal Liga

Leioako Emakumeak-Oiartzun B: bihar, 15:30ean, Sarriena futbol zelaian.

Gizonen Erregional Preferentea

Santo Tomas Lizeoa-Oiartzun B: bihar, 15:30ean, Donostiako Berio auzoko futbol zelaian.

Emakumeen Erregional Maila

Oiartzun-Amara Berri: etzi, 17:30ean, Karla Lekuonako zelai txikian.

ARETO FUTBOLA

Gizonen Gipuzkoako Lehen Maila

Anoeta-Oiartzun: bihar, 16:00etan, Abraham Olano kiroldegian.

Gizonen Gipuzkoako Bigarren Maila

Miren Taberna-Ostiko Sindikato taberna: Etzi, 12:00etan, Elorsoron kiroldegian.
Cecilia Fruta Denda-Power Rangers: gaur, 20:50ean, Lasarte-Oriako Maialen Chourraut kiroldegian.

SASKIBALOIA

Gizonen Gipuzkoako Lehen Maila

Oiartzungo Saskilagunak-Alde Zaharra B: bihar, 16:30ean, Elorsoro kiroldegian.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.