Oiartzunek Eibarren bisita jaso zuen larunbatean; 0-2 irabazi zuten armaginek, bigarren zatian lortutako golei esker
Esti Bajo aurrelaria, aurreko partida batean.
Oiartzunek Bigarren Mailako sailkapenean postuak igotzeko aukera ederra galdu du. Eibarren bista jaso zuten pasa den larunbat eguerdian. Oiartzuarrek baino hiru puntu gehiago zituzten, eta etxekoek irabaziz gero, puntuetara berdindu zezaketen.
Lehenengo zatia oso lehiatua izan zen. Oiartzuarrek hartu zuten jokoaren kontrola, baina eibartarrek ongi zaindu zuten bere atea. Atsedenalditik bueltatu bezain pronto, baina, eibartarrek aurrea hartzea lortu zuten. Korner batean lortu zuten 0-1 jartzea. Armaginak ez zuten atzerapausorik eman, eta hainbat aukera sortu ondoren, 73. minutuan asmatu zuten.
Datorren partida etzi jokatuko dute. Talde urdina Oiartzunera Gasteizera joango da, Aurreraren kontra jokatzera.
Gainontzeko futbol taldeek ez zuten emaitza onik lortu. Saskibaloian, bai, Saskilagunek irabaztea lortu zuten, bolada onarekin jarraitzeko. Areto futbolari dagokionez, Power Rangers izan da garaipena lortu duen bakarra. Partida zoroa jokatu zuten Lasarte-Orian —markagailuari dagokionez, behintzat—, eta azkeneko minutuan sartutako golari esker gailendu ziren.
FUTBOLA
Emakumeen Bigarren Maila
Gizonen Erregional Ohorezko Maila
- Urola-Oiartzun: Partida atzeratu egin da, eguraldiagatik.
Emakumeen Euskal Liga
- Leioako Emakumeak-Oiartzun B: 4-1.
Gizonen Erregional Preferentea
- Santo Tomas Lizeoa-Oiartzun B: 8-0.
Emakumeen Erregional Maila
- Oiartzun-Amara Berri: 2-0.
ARETO FUTBOLA
Gizonen Gipuzkoako Lehen Maila
Gizonen Gipuzkoako Bigarren Maila
- Miren Taberna-Ostiko Sindikato taberna: 4-7.
- Cecilia Fruta Denda-Power Rangers: 3-4.
SASKIBALOIA
Gizonen Gipuzkoako Lehen Maila
- Oiartzungo Saskilagunak-Alde Zaharra B: 71-59.
