Biharko idazle izan daitezkeenek jaso dituzte beren sariak

Prosa eta Poesia Lehiaketaren 30. ekitaldia egin dute aurten; ekitaldi berezia egin zuten larunbatean

2017/12/18

Sarituek, epaimahaikideek eta ekitaldian parte hartu zutenek familia argazkia atera zuten.

Oiartzungo Prosa eta Poesia Lehiaketaren 30. ekitaldiko irabazleek badituzte beren sariak. Pasa den larunbatean jaso zituzten, udaletxeko pleno areto nagusian egindako ekitaldian. Ioritz Aizpuru Euskara zinegotziak eta Aitziber Arnaiz alor bereko teknikariak gidatu zuten saioa. Musikarik ez zen falta: Oihane Mitxelena akordeoilaria, Edurne Saizar pianista eta Haizea Lekuona flautista izan ziren ekitaldia girotzeko ardura izan zutenak. Gainera, Jokin Mitxelena ilustratzaileak irudiak sortu zituen, irabazleek irakurri zituzten lanen pasarteetan oinarrituta. Gogorarazi zutenez, euskaraz idaztea sustatzeko antolatzen dute, urtero, txapelketa. Aurten ere, jende askok osatu du epaimahaia: Nerea Aizpuru Arrillaga; Pello Añorga Lopez; Sohalge Arbelaitz Kortabarria; Izar Azpiroz Iragorri; Imanol Irigoien Aranberri; Goiatz Labandibar Arbelaitz; Aingeru Palomo Zabala; eta Intxixu AEK euskaltegiko eta Ttur-Ttur Euskaltzaleon Bilguneko kideek. Kuriositate bezala, prosa saileko 6. mailan ez zuten saririk eman, inork ez baitzuen lanik aurkeztu. “Aurten, dirudienez, denak maitemindu eta poesia idazten hasi dira”, esan zuen Aizpuruk. Sari banaketaren ondoren, Oiartzungo egileen liburuak banatu zituzten, eta Añorga, Mitxelena eta Antton Kazabonek sinatu zituzten.

Irabazleak

Prosa: 1. saila: Kattalin Arabolaza Palomo eta Arlene Larrainzar Ilundain. 2. saila: Lorea Kortajarena Mujika eta Nara Susperregi Barroso. 3. saila: Hua Elizetxea Castineyra eta Malen Etxebeste Lekuona. 4. saila: Lur Lopez Fraile eta Ane Garmendia Irastorza. 5. saila: Eñaut Romero Lekuona eta Lohizune Telletxea Delgado. Poesia: 3. saila: Peru Marin Ureta eta Malen Etxebeste Lekuona. 4. saila: Aintzane Flamarique Martinez eta Elhorri Tolosa Zabala. 5. saila: Malen Elizasu Manterola eta Laiene Aranburu Gorrotxategi. 6. saila: Leire Ugartemendia Arruabarrena eta Josu Ibarguren Elosegi.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.