"Aurrekontu askoz ere parte-hartzaileagoa" nahiko luke EH Bilduk
Aurrekontuen plenoaren irakurketa egin du koalizio abertzaleak.
“Aurrekontu parte-hartzaileagoa aberatsagoa” litzakeela defendatu du EH Bilduk plenoaren balorazio egiteko hedabideetara igorritako oharrena, eta bide batez “premiak betetzeko hobea”.
Horrez gain “zuhurtziaren” argudia “gehiegitan” erabiltzea leporatu dio gobernuari, eta horrek “beste plan batzuk bideratzeko baliabide ekonomikoak osten” dituela baieztatu.
Gobernuak programa politikorik ez duela uste du EH Bilduk, eta ondorioz, aurrekontuetan epe luzerako helbururik ez dagoela iritzi diote.
Era berean, herriko hainbat proiektu “tiraderetan gordeta” dituztela salatu du koalizio abertzaleak, eta tartean aipatu dituzte “Luzuriagako bigarren fasea, topoa lurperatzeko lanak edota San Pedroko lonja amaiezina”, besteak beste.
Horrez gain, gobernuak iragarri dituen hainbat igoera ezbaian jarri dituzte, kultura eta euskararenak adibidetzat. EH Bilduk ohartarazi duenez, aipatu igoerak ez dira aurretik izan diren murrizketak berdintzeko adinakoak.
Hiri hondakinek kudeaketari ere, bereziki erreparatu dio EH Bilduk, eta gastua aurreko legealditik hona bikoiztu egin dela ohartarazi du. “Hona legegintzako apustua”, kexatu dira.
Gobernuari mezu bat igorriz bukatu du EH Bilduk plenoaren irakurketa, eta “etorkizunean irekiagoa eta gardenago” izateko eskatu dio, oposizioarekin zein herritarrekin.
