Larunbat gauean lau talde igoko dira Ergoiengo aretoko oholtzara, tartean Fabrika de Boinas antxotarrak
Fabrica de Boinas antxotarrak.
Rock and roll —bere ñabardura guztiekin— gaua egingo dute datorren larunbatean, hilak 13, Pagoa kafe aretoan. Gipuzkoako lau talde igoko dira Ergoien auzoko oholtzara, II. Pagoa Rock Gauaren ekitaldian. Horien artean Oarso Bidasoko bi daude.
Fabrika de Boinas taldea izango da kilometro gutxien egin beharko duena Pagoara hurbiltzeko. Antxoko laukoteak rock urbanoa jotzen du, erro sendoekin. Eremu horretan mugitzen dira Iam Raros hernaniarrak. Bidasoa aldetik, berriz, Velozet taldea helduko da. Hondarribiarren
setlist-ean rock and roll eta stonerra dira nagusi. Azkenik, baina ez azkenak, China Chain lasartearrek osatuko dute kartela.
Musika jaialdia 22:30ean hasiko da, eta bertara joateko sarrerak jada salgai daude, ohiko lekuetan. Aldez aurretik erosiz gero, zortzi euroko prezioa izango dute. Egunean bertan, 12 eurokoa.