Aurkezpen ekitaldia eta ate irekiak, Haurtzaroren matrikulazio kanpaina hasteko
Bihar egingo dute bilera orokorra, eta hilaren 25 eta 26an ate irekien jardunaldiak; hilaren 29an hasiko da matrikulazio kanpaina
Ikastetxeak matrikulazio kanpainari begira ari daude. Haurtzaro Ikastolaren kasuan, bihar —hilak 24— egingo dute matrikulazio kanpainaren aurkezpen ofiziala (17:00etan, areto nagusian—. Etzi eta etzidamu, berriz, izango dira ate irekien jardunaldiak. Hiru txandatan egingo dituzte: 10:00etan, 15:00etan eta 17:00etan. Aldez aurretik izena eman beharko da, telefonoz (943 49 16 59) edo e-posta bidez idatzita. Joaten direnek ikastolaren funtzionamendua bertatik bertara ezagutzeko aukera izango dute, baita ikastolako txokoak eurak ere.
Hazia heziz, loratu leloa jarri diote 2018/2019 ikasturterako kanpainari. Matrikulazio kanpaina bera hilaren 29an hasiko da, eta otsailaren 9ra arte iraungo du. Ikastolako bulegotik pasatu beharko da, 08:30etik 13:30era eta 14:30etik 18:30era. Familia liburua eta nortasun agiriaren kopia bat aurkeztu beharko dira. 
