Santander banketxearen aurrean elkarretaratuko dira

Grupo Oarso Taldeak deitu du elkarretaratze hori, bizilagun bati babesa adierazi, eta Santander banketxeari praktika onen kodea ezartzea exijitzeko.

Ikerne Zarate Gartziarena

Errenteria-Orereta

2018/01/23

Santander Banketxearen aurrean Donostian joan den abenduaren 20an egindako elkarretaratzea. Argazkia: Jose Manuel Ferradas

Elkarretaratzea egingo dute etzi, osteguna, Santander banketxeak errenterian duen egoitzaren aurrean. Grupo Oarso Taldeak deitu du elkarretaratze hori, herriko bizilaguna den Josune Arrutiri babesa adierazteko, eta Santander banketxeari praktika onen kodea ezartzea exijitzeko. Joan den abenduaren 20an elkarretaratzea egin zuten, auzi bera salatzeko. Kasu hartan, Stop Kaleratzeak plataformak deitu zuen, eta Santander banketxeak Donostian duen sukurtsalaren aurrean egin zuten elkarretaratzea. Orduan jakinarazi zuten, Santander banketxeak praktika onen kodeari muzin egin ziola errenteriarraren kasuan. Guindos Dekretua bezala ezaguna den praktika onen kodea ez ziola ezarri Arrutiri Santander Banketxeak salatu zuten. Kode horren arabera, bost urteko epea eman behar diote kreditua eman duten banketxeek egoera jakin batzuen aurrean: “Arrutik baldintzak betetzen ditu, eta gerora hori onartu bazitzaion ere, banketxeak Errenteriako bizilagunari eskaini zion kreditu moldaketak, Arrutik eskatu ez zuen kredituaren handitzea suposatzen zuen eta horrekin batera, abusuzko klausulak ezartzea”. Egoeraren aurrean Arrutik egindako eskaerari emandako erantzunean atzera egiteko eskatu zioten Santander banketxeari Donostian bildutako hamarnaka lagunek, eta praktika onen kodeak dioenaren arabera ekiteko, egungo prestamuaren klausularik aldatu gabe. Hilabete beranduago, egoera ez da aldatu, eta bankatxeak egindako proposamen berarekin jarraitzen duela eta deitu dute elkarretaratzera ostegunean: “Santander banketxeak ama-semeak ito nahi ditu bere neurriz kanpoko klausulekin. Ostegunean bakarrik ez dagoela, berekin gaudela erakutsi nahi diogu Josuneri [Arruti]”. Hori dela eta, herritar guztiak deitu dituzte 10:45ean egingo duten elkarretaratzera.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Santander banketxearen aurrean elkarretaratuko dira

Gipuzkoa

ELAk salatu du Itasua enpresak dibidenduak hirukoiztu egin dituela azken bost urteetan, baina langileei ukatu egiten dietela soldata igoera

150 hizlari arituko dira ‘Euskal pentsamenduaren ur-jauzia II’ kongresuan

Aurtengo lehen sei hilabeteetan hamasei milioi bidaia egin dira Lurraldebusen, iaz aldi berean baino milioi bat gehiago

Gradu berri bat jarriko dute martxan EHUko Gipuzkoako Ingeniaritza Eskolan hurrengo ikasturtetik aurrera

Merkataritza lokalak etxebizitza bihurtzeko ordenantza aldatuko du Donostiako Udalak

Urriaren 19ko etxegabetzea bertan behera uztea lortu du Saretxek, behin-behinean

Atzo goizaldean Donostian erretako eraikina «agian» osorik eraitsi beharko dutela esan du Insaustik

Hariak jaialdia azaroaren 5etik 15era egingo dute

EH Bilduk salatu du La Cumbreren lagapena ez dela gauzatu lau urteren ostean, Donostiako Udalaren «borondaterik ezagatik»

Donostiako familia bat urriaren 19an etxegabetuko dutela salatu du Saretxe sindikatuak

Maritxu Kajoi gauean adin txikiko batek jasandako sexu erasoagatik gizon bat atxilotu dute Ermuan