[Galeria eta bideoa] Trapujale Lezon da eta Ostiralori oparo heldu da

Harrera beroa egin zioten atzo iluntzean lezoarrek Tarpujaleri; Martizkone baserritik jaitsi zen, ohi bezala, joaldunak lagunduta.

olatz mitxelena

Lezo

2018/02/09

Oroitzene euskaltegiko lagunek aitortza jaso dute aurten, inauteriaren alde egindako lanarengatik.

Trapujale Lezon da eta lezoarrek inauteri festak bete-betean ospatzen dabiltza atzo iluntzetik. Festarako gogotsu, harrera beroa egin zioten Gurutze Santuaren plazan Trapujaleri. Aurten bisitari oso bereziak izan ditu zain Trapujalek. Ipar Euskal Herriko hainbat ikastoletatik etorritako ikasleak plazan ziren lezoarrekin batera inauterien hasiera ospatzeko. Trapujaleren dantza ere ederki asko ikasia ekarri zuten eta dantzara bildu ziren festa hasi eta berehala. Aurten, Ostegunzuriaren protagonista, Trapujale ez ezik, Oroitzene AEK Euskaltegia izan da. Trapujale Taldeak aitortza egin dio aurten euskaltegiari, urte hauetan guztietan Lezoko inauteriaren alde egindako lan eskergarengatik. Oroigarria ere jaso zuten, Jesus Maria Martiarena alkatearen eskutik. Ostiralori, oparo Gaurko egitaraua oparoa da Lezon. Goizean zehar ikastetxeetako haurrek girotuko dituzte bazterrak, eta arratsaldean bertan, Dantzazaleak taldekoek eta Gazte Asanbladakoek. Aurten lehenbizikoz “ziriku maltzurren kalejira berezia” antolatu dute. 18:30ean abituko da kalejira bihurria, plazatik. Antolatzaileek iragarpen bat ere egin omen dute: korri egiteko prest joatekoa. Herri afaria ere bada gaurko eskaintzen artean. Bekoerrotako frontoian izango da afaria, 21:30ean. Egitaraua

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

[Galeria eta bideoa] Trapujale Lezon da eta Ostiralori oparo heldu da

Gipuzkoa

Salmonellosi agerraldi batek 29 pertsonari kalte egin die Eibarren

Pasaiako eta Lezoko alkateek «erantzunak eta neurriak» eskatu dituzte portuko sutearen harira

Gizon bat atxilotu dute Irunen, prostituzio etxe batean emakume bati sexu erasoa egitea egotzita

KASek salatu du Donostiako Udaltzaingoa «jazartzen» eta «zigorra ezartzen» ari zaiela ogitartekoak banatzen dituzten herritarrei

Hondarribiko alarde baztertzailearen aldekoek utzi egin dute konponbiderako elkarrizketa prozesua

GHKk espediente bat irekiko du Zubietako erraustegiko sutearen nondik norakoak argitzeko

Donostiako Harrera Sareak salatu du lau kide identifikatu dituztela etxegabeei janaria emateagatik