[Bideoa] Berritasunak sexualitate eta generoaren gaineko aholkularitza zerbitzuan

Egunotan herriko ikastetxetan ari dira banatzen Goxatu programaren gaineko informazioa.

olatz mitxelena

2018/02/13

Udal teknikariak eta hezitzaileak zerbitzuaren aurkezpenean.

Nerabe eta gazteen sexu arloko informazio hobetzeko helburuz Pasaiako Udalak sexualitate eta genero informazio aholkularitza zerbitzua jarri zuen martxan orain dela bi urte. Zerbitzuak izan duen harrera ona ikusirik hainbat berritasun txertatu eta horien berri eman dute orain. Zerbitzua Donibanera hedatu dutela jakinarazi dute (hasieran ez zen eskaintzen bertan) eta, horrez gain, proiektuaren filosofia definitzeko helburuz, zerbitzuaren logoa berritu dutela jakinarazi dute. Azkenik, poltsikoko egutegi bat egin dutela iragarri dute, diru zorroan eramateko modukoa, gazteek zerbitzua non eta noiz eskaintzen duten jakin dezaten eta eskura izan dezaten. Egunotan herriko ikastetxeetan banatzen ari dira egutegia, LHko seigarren mailatik gorako ikasleen artean. Gaztelekuetan eta gainontzeko udal zerbitzuetan ere banatuko dute, baita interesa agertzen duten elkarteetan eta nerabe eta gazteekin diharduten gainerako kolektiboetan ere. Aurrez aurre edo Internetez Gazteria Sailak eta Berdintasun Arloak kudeatzen dute zerbitzua elkarlanean, informazioa hobetu ez ezik, prebentzioa landu eta indarkeria matxistari aurre egin nahi diotelako zerbitzuaren bitartez. Gazteek Internetek argitu nahi izaten dituzte beren zalantzak, baina askotan, orientazioa behar izaten dute eta ez dakite nora jo. Hutsune horiei denei erantzun nahi diete zerbitzuaren bitartez. Zerbitzua bi eratara kudeatzen dute Laia Nahia elkarteko adituek: aurrez aurre edo Internet bidez. Gazteek bakarka edo taldeka egin ditzakete kontsultak, eta erabateko konfidentzialtasuna bermatuta dago. Aurrez aurre: Astearte eta asteazkenetan, 17:30etik 19:30era, hamabost egunetik behin barruti bakoitzean. Donibane, eta San Pedro eta Trintxerpen, Gaztelekuetan eta Antxon, oraingoz, Gizarte zerbitzuen bulegoan (Gelasio Aranburu 8). Internetez Instagrameko “Laia Nahia” kontuan edota posta elektronikoz. Goxatu-2018ko egutegia

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

[Bideoa] Berritasunak sexualitate eta generoaren gaineko aholkularitza zerbitzuan

Gipuzkoa

Maixabel Lasari emango diote aurten Gipuzkoako Urrezko Domina

Hondarribiko Udalak kereila penal bat aurkeztu du Zaldunborda auziko dokumentazioa iker dadin

Xabier Morras, margoz emandako lekukotasuna

Yurrita e Hijoseko hamabi langile kaleratu dituztela salatu dute

Jarindo parke eolikoa egiteari uko egin dio Green Capital Powerrek

Bergarako eta Zarauzko IATetako lan gatazkan esku hartu dezala eskatu diote Jaurlaritzari

‘Superra’-ren aurrestreinaldia Azpeitian egingo dute, hilaren 28an

Xabi Alonsoren Igeldoko txaleta legezkoa dela ebatzi du EAEko Auzitegi Nagusiak

Irungo atxilotuen kasua «Poliziaren jukutriatzat» jo du Askek

Eusko Jaurlaritzak Bentaberriko babes ofizialeko 510 etxebizitzak erosiko dizkio Blackstone funtsari

Jon Insaustik esan du Donostian atzo etxegabetu behar zuten familiari «bizitoki bat» eskainiko diotela

Donostiako Antondegi eremuak landa izaerari eutsi behar diola defendatu du Antondegi Berdeak

Gipuzkoako baso suhiltzaileek salatu dute foru aldundiak zenbait zerbitzu eten dituela, baso suteen «arrisku handiko» sasoi betean