Jarduera administratiboaren eta politikoaren erdigunean herritarra eta bere beharrak jarriko ditu espazio berriak, astelehenetik aurrera.
Julen Mendoza 1 zenbakia duen txartelarekin.
herritarren arreta zerbitzua astelehenean zabalduko du Errenteriako Udalak, eta gaur ofizialki inauguratu du. Jarduera administratiboaren eta politikoaren erdigunean herritarra eta bere beharrak jarriko ditu espazio berriak. Julen Mendozak hartu du hitza. Pozik, ilusio handiz aritu da. Izan ere,
Zu! Zure Udala zerbitzua Errenteria 20025 plan estrategikoaren proiektu nagusienetako bat dutela nabarmendu du, eta egi bihurtu dute. Zerbitzuarekin, XXI. Mendeko administrazioa zabaldu dutela esan du Mendozak, burokrazia atzean utzita, tramiteak azkartuko dituen administraziora egin dute jauzi: “Administrazio berria da. Gaur aro berri bat ireki dugu gure administrazioarentzat, eta beraz, herritarrentzat”.
Azken horiek jarri nahi ditu udalak erdigunean, herritarrak, eurekin harreman hobeagoa izan, eta horretara dator, hain zuzen ere, zerbitzu berria. Alkateak aipamen berezia egin die langileei, eta eskerrak eman prozesu guztian zehar erakutsi duten pazientziagatik eta egin duten lanagatik: “Eremua egokitzeko lanak egin ditugu, txukun gelditu da oso, baina txukuntasun horren atzean bi-hiru urteko lana dago, eta hori da balioan jarri behar dena”.
2015eko irailaren 1ean hasi zuen ibilbidea udalak leihatila bakarreko zerbitzua egi bihurtzeko, eta lehenik eta behin, 200 espediente begiratu, homologatu eta elektroniko bihurtu zituzten, “izugarrizko lana suposatu du horrek guztiak eta digitalizazioak, egungo administrazioa lortzeko”. Azken faseak ere, lan handia suposatu duela erantsi du. Prozesua egin zuten zerbitzuan arituko diren zortzi langileak aukeratzeko. Orain arte egindako lan guztiak, ordea, epe laburrean onurak ekarriko dituela sinistuta azaldu da Mendoza.
Inaugurazioetan zintza mozten da. Mendozak ez du ordea halakorik egin
Zu Zure Udala zerbitzua ofizialki inauguratzeko. Txanda emateko makinara hurbildu, eta txartela atera du, lehenengoa. Berak gaur egin duen keinua, astelehenetik aurrera hamarnaka herritarrek errepikatuko dute, eta orain arte baino erosoago egin ahalko dituzte tramiteak, puntu bakar batean eta ordutegi zabalago batekin, astearte eta ostegunetan 07:30etik 20:00etara zabalik izango delako, eta astelehen, asteazken eta ostiraletan, 07:30etik 15:00etara. Mahairen bestaldean, tramite guztietan formatutako zortzi langile arituko dira arreta egiten. Horrekin batera, espazioa ere berritu dute, herritarra eserita eta eroso artatzeko.
Zortzi arreta gunetan gainera, ordainketa-pasabidea instalatu dute, eta horrela, herritarrek ordaintzeko aukera izango dute bankura joan behar izan gabe.
