Genero ikuspegiko bi puntu, Martxoaren 8aren aurreko plenoan

Etzi arratsaldean egingo dute otsaileko ohiko plenoa; guztira 11 puntu izango ditu udalbatzarrak

2018/02/26

Bihar berriro bilduko dira udal ordezkariak, plenoan.

Emakumeen Nazioarteko Eguna begi bistan da, eta, horrekin lotutako bi puntu aztertuko dituzte asteazken arratsaldean egingo duten plenoan. Alde batetik, tokian tokiko bizitzan emakumeen eta gizonen arteko berdintasuna lortzeko Europar Gutuna aztertuko dute. Bestetik, Genero Mainstreaming estrategiaren ezarpena aurrera eramateko jarraipen egituraren sorrera eta funtzionamenduaren arauketa egitea erabakiko dute. Genero Mainstreaminga da edozein erabaki politikotan, genero eta berdintasun ikuspegia txertatzea.

Beste puntuak

Puntu horiez gain, San Marko Mankomunitatearen 2014ko aurrekontuari jarritako helegitearen egoeraren berri emango dute. Gainera, Elorsoro kiroldegiaren kudeaketa daraman BPXport enpresak proposatutako jarduera berrien prezioa ere jorratuko dute. Plenoa, ohi bezala, 19:00etan hasiko da, areto nagusian. Mahai gainean izango dituzten gaien zerrenda osoa ikusteko, sakatu esteka hau.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.