Mikel Aranburu eta Eneko Zalakainek osatutako bikoteak, eta Oroitz Sein, finaletara

Oiarpeko pilotariek Kadete Mailako trinketeko finalean aritzeko txartela eskuratu dute, alde batetik, eta Gazte Mailako kluben artekoan, bestetik

Erik Gartzia

Oiartzun

2018/03/05

Oroitz Sein da finalen bat jokatuko duen oiartzuarretako bat [Argazkia: Gipuzkoako Pilota Federazioa].

Oiarpeko pilotariek bi txapelketetako finalean aritzeko eskubidea lortu dute asteburu honetan, modu ezberdinetan. Alde batetik, kadete mailako trinketeko Gipuzkoako Txapelketako finala jokatuko dute Eneko Zalakain eta Mikel Aranburuk. Hernaniko bikotearen kontra lehiatu ziren larunbatean, Iruran, eta alde handiagatik gailendu ziren (40-24). Bikote berberak, biharamunean, Herrerako txapelketan jokatutako partida irabazteko astia ere izan zuen. Bestetik, Oroitz Sein Gazte Mailako Euskal Herriko kluben txapelketako finalean ariko da. Atzo jokatu behar zuen finalerdietako partida, baina Azpeitiko Ilunpe klubeko pilotaria erretiratu egin zen. Trinketeko Gazte Mailako txapelketan, finalerdietan aritu zen Oiarpeko beste bikote bat, baina ezin izan zuten Tolosakoen kontra gauza handirik egin. Partida guztien emaitzak ikusteko, sakatu esteka hau.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.